Gilduin, vicomte de Blois, donne au monastère de Pontlevoy, les revenus qu'il percevait sur le bois de Sudais ainsi que plusieurs autres droits féodaux. Thibaud, comte de Blois, et Foulques le Réchin, comte d'Anjou, donnent leur approbation.

l.1 Notum sit omnibus hominibus tam presentibus quam futuris, quod domnus GELDUINUS
l.2 vicecomes Blesis dedit Deo et Sanctae MARIAE Pontilevensi et abbati WIDDONI simulque
l.3 monachis ibi Deo famulantibus, omnem reditum qui sibi de Seutica silva reddebatur ab illis hominibus
l.4 qui in omni terra Sanctȩ Mariȩ habitant. Et si aliquam forfacturam inibi fecerint, monachis emendationem
l.5 persolvant. Concessit etiam eis in eandem silvam facere unam haiam ad capienda ibi animalia silvestria
l.6 videlicet cervos, apros, capreas et cetera cuncta. Dedit etiam omnem terram quam in suum dominium
l.7 habebat, et quatuor arpennos pratorum in locum qui dicitur Villare, super fluvium Culsonem,
l.8 et duas familias servorum unam Blesim, alteram apud Pontemleveum. Hunc donum sicut hic habetur
l.9 scriptum, firmavit atque annuit TETBALDUS comes, pro salute sua et parentum suorum, patris et matris
l.10 vel fratris, prefato abbate promittente in suo monasterio perpetualiter celebrare in secunda feria
l.11 unam missam pro animabus illorum. Si quis vero extiterit qui contra hanc donationem aliquam calumpniam
l.12 inferre presumpserit, nisi cito humiliatus correxerit, Dei omnipotentis iram incurrat, et cum Dathan
l.13 et Abiron in perpetuum pereat, ac deinde irritum fiat quod vindicat. Ut vero haec donatio in perpetuum
l.14 roborata permaneat, TETBALDUS comes eam propria manu signo sanctae crucis firmavit, in presentia
l.15 multorum virorum nobilium quorum nomina hic descripsimus. [colonne1] Dado de Sancto Aniano. Girardus senescallus. Henricus frater ejus. Herveus Corvisini. Hugo de Laniais. Dodo de Ervi. Gascelinus mariscallus. Hugo prepositus Blesis. Rodulfus vicarius. Garinus filius Gradulfi. Artaldus filius Vulgrini prepositi. [colonne2] Signum [croix] Tetbaldi comitis. Ansoldus canberlarius comitis. Vincentius. Ulricus Rex. Gosfredus miles de Castello Duno. Teodoricus de Avezai.
l.16 Hoc idem iterum donum supradictum comes Andegavensis Fulgo videlicet
l.17 Sanctȩ Mariae Pontilevensis cȩnobii, et pasnagium quod in eadem
l.18 silva habere videbatur concessit, propriisque nominibus et fidelium suorum
l.19 corroboravit. [colonne3] S. [croix] Fulconis comitis. Testes vero: Gaufridus de Medona, Tetbaudus de Rupibus, Sulpicius de Calvo Monte, Lisodius frater ejus, Suplicius filius Rainaudi, Matheus filius Leterii, Isenbardus Bardo, Hugo de Sancta Maura. Actum est hoc apud obsessionem Malliaci, his omnibus presentibus suprascriptis.