Blois, AD Loir-et-Cher, 16 H 105 n° 12

<< < / > >>

Numéro2260

Fiabilité de l'actenon suspecté

Genrenotice

Date1119(fiabilité :édition)

Lieunon identifié

DiocèseTours

RégionCentre

Supportparchemin

Chirographienon

Sceau non scellé

Etat de la traditionoriginal

Hauteur à gauche371   mm

Hauteur à droite373   mm

Largeur en haut399   mm

Largeur en bas421   mm

AuteurNivelon  de  FRETEVAL

BénéficiaireAbbaye  de  MARMOUTIER

Regeste

Accord entre les moines de Marmoutier et Nivelon de Fréteval.

Fac-similé

Texte

l.1 Omnibus sanctȩ ecclesiȩ filiis notificare curavimus, quod Stephanus comes Blesensis, et Adela uxor ejus, pro redemptione animarum suarum, et suorum antecessorum, atque successorum, dederunt Deo
l.2 et sancto Martino Majoris Monasterii, et monachis ibidem Deo servientibus, quandam partem de foresta sua quȩ Silva Lonia nuncupatur, ad ȩdificandam ȩcclesiam, et habitationes
l.3 monachorum, et ad hospitandos hospites, solutam et quietam ab omni consuetudine, propter quod, Franca Villa vocatur illa obȩdientia, prope Fractam Vallem posita. Dedit etiam Nivelo de Fracta
l.4 Valle prefato sancto Martino, et monachis Majoris monasterii ibidem in elemosinam, pro redemptione animȩ suȩ, et suorum omnium, de terris suis, et de aquis, et ceteris beneficiis, quȩ juxta
l.5 prefatam elemosinam habebantur, sine ulla retentione alicujus consuetudinis, ad usus solummodo monachorum, et hospitum eorum. Dedit etiam et concessit prefatis monachis, quicquid de fevo suo, vel emptione
l.6 vel donatione alicujus hominum suorum, acquirere possent. Post aliquantum vero temporis immisit eis calumpnias in prefatam elemosinam comitis, et etiam in suam, asserens locum in quo ȩcclesia, et habitationes
l.7 monachorum sitȩ erant, et etiam burgum quod subtus est, de suo beneficio esse. Et ideo non permittebat monachis domos suas ȩdificare, nec burgum ampliare, nec ministeriales habere in burgo suo,
l.8 nisi quantum ipse vellet. Aquam etiam Ledi fluvii quam eis ad piscandum cum dominicis piscatoribus dederat et terram ad hospitandum hospites inter Petram Sigillatam et Fractam Vallem, reabstulit eis, et quam-
l.9-plura alia. Clamabat etiam in jamdicta elemosina comitis et in sua, malas consuetudines, et exactiones, videlicet pedagium, sanguinem, latronem, raptum, incendium, catum, vulpem et multa
l.10 alia, quȩ enumerare longum est. De quibus omnibus ad talem concordiam venerunt monachi Majoris Monasterii, presente eorum abbate, nomine Guillelmo, cum prefato Nivelone, per manum Teobaldi comitis, quod sepe-
l.11-dictus Nivelo clamavit solutas et quietas omnes consuetudines, et exactiones, quas reclamabat in elemosinam comitis, et in suam, illas denominate quȩ designatȩ sunt, et si quȩ aliȩ requisite sunt ab eo,
l.12 omnes ut dictum est omnino calumpnias guerpivit sine ulla retentione alicujus consuetudinis, excepto quod mercatum publicum non levabunt monachi, nec burgenses eorum habebunt stallos extra habitacula sua
l.13 et excepto quod in die mercati Fractȩ Vallis non vendent, nec ement homines monachorum in burgo suo, nisi panem et vinum, et cetera quȩ ad cibum pertinent, et si homines monachorum in mercato Fractȩ
l.14 Vallis aliquid vendiderint vel emerint unde teloneum exeat, reddent illud. Quod si inde foris fecerint, emendabunt sicut de teloneo. Aliam autem consuetudinem nullam reddent homines monachorum Niveloni,
l.15 neque in terra eorum, neque extra. Monachi autem poterunt habere in burgo suo ministeriales, quantoscumque et qualescumque voluerint. Et de hominibus suis consuetudines poterunt capere qualescumque voluerint, nemine
l.16 contradicente. Oficinas vero suas habitationi monachorum aptas, domos scilicet, claustrum, puteum, et quicquid opus fuerit eis, poterunt facere monachi, sine ulla contradictione. Et locus in quo burgum
l.17 situm est, et in quo ipsa ȩcclesia et cȩtera habitacula monachorum sita sunt, recognovit et gratanter concessit Nivelo, quod erat veraciter, sicut est de proprio beneficio comitis Stephani et Adele uxoris ejus. Et aqua Ledi
l.18 fluvii quam ad piscandum monachis prius dederat cum propriis piscatoribus ipsorum, et postea reabstulerat, in hac concordia concessit eis in perpetuum habendam, ita plenarie, sicut in prima donatione dederat
l.19 a molendinis scilicet Huberti filii Maignonis usque ad sclusam Guinardi. Si quis vero clamorem fecerit Niveloni de monachis, calumpniam eis faciens de aliquo quod teneant de beneficio ejus, monachi tene-
l.20-bunt ei justiciam ante Nivelonem, quamdiu ipse recte manu tenebit eos. Quod si senserint se injuste gravari, querent justiciam vel sanctȩ ȩcclesiȩ vel comitis. Si autem monachi clamorem fecerint
l.21 Niveloni de aliquo hominum suorum, qui eis injuriam faciat de beneficio ejus, Nivelo faciet eis justiciam. Quod si noluerit ipsi aliunde querent justiciam. Ad hanc Nivelonis concessionem, et malarum
l.22 consuetudinum dimissionem, et calumpniarum guerpicionem, extitit presens Ursio filius Nivelonis, concedens et ipse monachis in hac concordia quicquid pater suus eis concesserat, et guerpivit omnes calumpnias
l.23 quas pater suus fecerat eis in sepedicta elemosina, et etiam omnes consuetudines, et exactiones quȩ superius denominatȩ sunt. Concessit etiam quicquid apud Sanctum Hylarium de Gravella calumpniabatur eis. Hȩc omnia cum-
l.24-cessit uxor ipsius Ursionis nomine Beatrix apud Fractam Vallem, sub his testibus. Ex parte monachorum: Oliverius monachus, Giraudus monachus, Johannes monachus, Popardus prepositus monachorum, Landricus famulus, Corbellus famulus.
l.25 Ex parte dominȩ Beatricis, quȩ inde habuit XXti solidos, fuerunt: Paganus de Merliaco, Girardus de Vileriis, Turbaudus, Moyses munnerius. Pro hac itaque concordia et concessione dederunt sepedicti monachi
l.26 Niveloni et Ursioni filio ejus mille et C solidos Dunensium denariorum, et concesserunt ipsis habere in pace molendinum, quem Nivelo fecerat inter molendinum monachorum de stagno et aquam Ledi, et burgum
l.27 novum quod ipse fecerat ex altera parte stagni eorum, quȩ monachi calumpniabantur, et etiam habitationes hospitum, et arpennos quos monachi clamabant se habuisse de elemosina Nivelonis, inter
l.28 Petram Sigillatam et Fractam Vallem. Hȩc concordia facta est inter monachos Majoris Monasterii et Nivelonem de Fracta Valle, et Ursionem filium ejus, apud Tyronenses monachos qui ad os Ogrȩ fluvioli con-
l.29-morantur, anno ab incarnatione Domini millesimo centesimo VIIIIoXo in presentia Tebaldi comitis, et Guilelmi abbatis Majoris monasterii, et multorum aliorum, quorum nomina subter scripta sunt.
l.30 Ex parte comitis, et monachorum, Goherius Meschinus, Joscelinus Borrellus, Jeremias de Bosco Garnerii et Matheus frater ejus, Raimundus Ansgotus, Salomon panetarius, Hugo de Pometo. De monachis:
l.31 abbas Guillelmus, Fromundus prior, Guillelmus qui fuit prior, Petrus de Loratorio, Petrus bajulus, Laurentius capellanus, Oliverius panetarius, Hugo de Camarcio. De famulis: Arraudus camerarius,
l.32 Paganus de Camilliaco, Enjorricus de Camarcio, Petrus Burdum, Johannes mariscalpus, Paganus Beliardus, Radulfus cocus, Petrus Theol, Gasconius, Pupardus de Franca Villa, Landricus prepositus, Corbellus,
l.33 Robertus Tuȩgal, Raginaudus de Gastina. Ex parte Nivelonis et filii ejus: Jeremias de Insula, Roscelinus nepos Nivelonis, Fulcherius frater Roscelini, Philippus nepos Nivelonis, Guillelmus de Vileriis
l.34 et Guillelmus filius ejus, Hugo de Camartio, Turbaudus, Matheus Poterum, Paganus Grandis, Hugo Mengarin.

Responsable

M. Courtois

Comment citer cette notice

Acte n°2260 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2260»[En ligne] http://www.cn-telma.fr/originaux/charte2260/. Date de mise à jour : 29/03/12.