Blois, AD Loir-et-Cher, 16 H 88 n° 15

<< < / > >>

Numéro2242

Fiabilité de l'actenon suspecté

Genrenotice

Date1094(fiabilité :édition)

Lieunon identifié

DiocèseTours

RégionCentre

Supportparchemin

Chirographienon

Sceau non scellé

Etat de la traditionoriginal

Hauteur à gauche393   mm

Largeur en haut239   mm

Largeur en bas226   mm

AuteurGodefroid  de  SACHINIE

BénéficiaireAbbaye  de  MARMOUTIER

Regeste

Godefroid de Sachinie donne aux moines de Marmoutier tout son fief, à condition d'y être nourri comme les meilleurs serviteurs de l'abbaye.

Fac-similé

Texte

l.1 Notum sit omnibus quod Godefredus de Sachiniaco dedit beato Martino Majoris Monasterii et monachis ejus, omne suum fevum quodcumque tene-
l.2-bat ab omnibus dominis suis, tam a comite Stephano quam a quibuslibet aliis, ut adquirentes illud ab eis, et quomodocumque
l.3 possemus adquietantes, possideremus ipsum jure perpetuo etiam ipso vivente. Pro hac igitur donatione, est definitum inter nos et ipsum
l.4 Godefredum, ut daremus ei LX solidos denariorum Blesensium, eo tenore, ut supradictȩ terrȩ calumniam a suis adquietaret paren-
l.5-tibus, et si monachus fieri voluerit, suscipiemus eum quando ei placuerit. Interea in una mansionum nostrarum pasce-
l.6-mus eum pastu famulorum nostrorum meliorum atque vestiemus. Sed pro vestitura sua dabimus ei si maluerimus omni anno
l.7 XX solidos monetȩ ipsius provinciȩ in qua fuerit. Ipse autem promisit quod nullatenus inquietaret monachos apud quos eum
l.8 poneremus pro victu meliori quam ceteri ejusdem domus famuli haberent. Hujus rei donum posuit in manu abbatis Bernar-
l.9-di, per quendam parvulum baculum corili, in cellario nostro coram multis tam monachis quam famulis. Inter quos fuerunt
l.10 testes isti: Sancelinus cellararius, Guinebaldus camerarius, Gausfredus de Sontiaco, Bernardus salnerius, Boselinus nau-
l.11-ta, Johannes hospitalis, Letbertus filius Giraldi, Lealdus Magnus, Landricus cocus, Rainaldus frater ejus, Rodulfus Male Respectus,
l.12 Gauscelinus filius Belini, Johannes Luscus, Herbertus presbiter, Johannes frater ejus, Fulco de Galeriaco, Rodulfus monachus cognomento Mordannus,
l.13 prepositus de Fonte Merlandi, Ariprandus monachus, Odo de Prior. Supradictos LX solidos accepit postea ipse Godefredus ab
l.14 Arnulfo monacho preposito Merlandi, videntibus istis, Johanne de Sachiniaco, Rotberto forestario, Andrea forestario,
l.15 Rodulfo carpentario, Johanne de Guastina, Bodino fabro. Adelaldus de Villa Senardi fevum et terram quam
l.16 emerat ab ipso Godefredo, et totam supradicti Godefredi terram et calumniam sancto Martino Majoris monasterii guerpivit,
l.17 annuentibus filiis suis Johanne, Sulpicio, Martino, Osanna uxore ejus, et Guarino fratre suo. Quibus omnibus in eodem
l.18 loco Ariprandus monachus dedit beneficium et societatem Majoris Monasterii, videntibus istis, Arnulfo monacho, Johanne de Sachiniaco, Hugone fratre
l.19 Ainardi, Juniano, Stephano fratre ejus, Archembaldo porcherio, Petro Bruno, Letardo de Floriaco. Pro hac igitur deli-
l.20-beratione Herbertus presbiter reliquid Adelaldo LX sol. Blesensium, quos ei et fratri suo Johanni debuerat. Guicherius de
l.21 Castro Rainaldi apud Fontem Merlandi in dormitorio monachorum, supradictam Godefredi terram, Neachis, Sachiniaco,
l.22 Pozeris, liberam et ab omnibus consuetudinibus et querelis expeditam, sancto Martino Majoris monasterii tradidit, et concessit
l.23 coram testibus istis, Petro Rufo, Ganelino milite ejusdem Guicherii, Huberto Guicherii serviente, Ariprando
l.24 monacho, Arnulfo monacho, Johanne de Sachiniaco, Duranto clerico, Fermedo, Andrea forestario, Ainardo, Hugone fratre
l.25 ejus, Rotberto cellarario. Apud castrum Rainaldi, Gausfredus et Odo filii Guicherii auctorizaverunt terram Godefre-
l.26-di sicut et pater eorum, Guicherius scilicet apud Fontem Merlandi auctorizaverat, videntibus istis, Richardo Chotardo,
l.27 Adelelmo Percoino, Gausfredo filio Adelelmi, Mauricio fratre ejus, Arnulfo monacho preposito Merlandi, Gausfredo
l.28 fabro, Ulgerio, Vitali. Guicherius juvenis apud castrum Rainadi ante ȩcclesiam ibidem sitam, coram patre suo
l.29 Guicherio et fratre suo Gausfredo, auctorizavit terram Godefredi et tradidit sancto Martino sicut pater ejus fe-
l.30-cerat et fratres ejus, Gausfredus et Odo, videntibus istis, Guicherio patre ejus, Gausfredo fratre ejus, Aripran-
l.31-do monacho, Arnulfo monacho, Bernardo monacho Malrato, Burchardo monacho de Sancto Juliano, Adelaldo serviente Guiche-
l.32-rii, Gualterio filio Stephani forestarii, Johanne Bodeto, Herveo de Pistrino. Richardus Chotardus
l.33 terram suam quam ab ipso supradictus Godefredus tenebat, deprecante eum domino suo Guicherio sancto Martino Ma-
l.34-joris Monasterii apud Fontem Merlandi libenter propter deum tradidit, videntibus istis, Guarino filiastro ejus,
l.35 Ariprando monacho, Arnulfo monacho, Duranto clerico, Andrea forestario, Gualterio quoquo, Hugone
l.36 fratre Ainardi. Bernardus infans, ipsam terram Richardi Chotardi sui hominis, concessit sancto Martino
l.37 Majoris Monasterii apud Fontem Merlandi, videntibus istis, Ariprando monacho, Arnulfo monacho, Duranto clerico,
l.38 Rotberto forestario, Andreas forestario, Hugone fratre Ainardi. Guarinus, filius Gradulfi, monachus Majoris
l.39 Monasterii, supradictum Godefredi fevum de terra et bosco Neacis, sancto Martino concessit pro anima patris sui Gra-
l.40-dulfi jamdicti monachi, et pro caritate quadam quam ei Arnulfus monachus Merlandi prepositus obtulit XV scilicet
l.41 solidos Blesensium. Hanc donationem Blesis, in domo ejusdem Guarini, frater ejus Gradulfus et soror ejusdem Jerosolis nomine,
l.42 et mater ipsorum Oda, libenter concesserunt pro redemptione animarum suarum. Hujus rei testes sunt isti, Ar-
l.43-nulfus monachus Merlandi prepositus, Johannes de Sachiniaco, Rotbertus et Andreas forestarii, Jarnigoius, Ebro-
l.44-inus de Faia, supradictus Guarinus, frater ejus Gradulfus, ipsius soror Jerosolis, mater ipsorum Oda, Odo Rufus.
l.45 Biennio ante dedicationem Majoris Monasterii ab Urbano papa II hoc factum est.

Bibliographie

METAIS (C.), Marmoutier, Cartulaire Blésois, Blois, 1889-1891, p. 74-75, n° 66.

Responsable

M. Courtois

Comment citer cette notice

Acte n°2242 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°2242»[En ligne] http://www.cn-telma.fr/originaux/charte2242/. Date de mise à jour : 29/03/12.