Hugues, chevalier, donne aux moines de Marmoutier son alleu de Bezai.

l.1 Quisquis divinae retributionis flagrat amore quatinus post devictum hujus transitorii seculi certamen mereatur voce
l.2 piissimi judicis optantissima quiete consolari consequens atque dignissimum credimus et confitemur, ut et hic fideli sanctione
l.3 misericordia Dei cooperante provehi ad incrementa sanctȩ conversationis atque devotionis spe et ambitione tendat, et quicquid
l.4 aut fastus iniquae vitae contulerit, aut inertia humanȩ imbecillitatis ut assolet fieri mortalibus indixerit pro vectu et supplemento piis-
l.5-simarum precum sanctorum sublevetur. Itaque ego in Dei nomine Hugo vir armis militaribus deditus reminiscens meorum multitudinem
l.6 peccatorum, et ultimi judicii diem fortiter expavescens, atque cum electis quibus Deus in illa dicturus est die: Venite benedicti
l.7 patris mei, percipite regnum quod vobis paratum est aggregari desiderans, concedo Deo et sancto MARTINO in loco Majoris
l.8 Monasterii aliquid de rebus meis quod michi a parentibus meis precedentibus dimissum est, videlicet alodum meum in pago
l.9 Vindocinense constantem in villa quae nuncupatur Buziacus, tam pro remedio animae meae, quam pro absolutione animarum
l.10 patris mei et matris necnon pro salute filiorum ac filiarum mearum. Eo etiam modo trado predictum alodum jamdicto loco
l.11 et monachis ibidem Deo servientibus ut ab hodie et in antea libere et quiete possideant, nemine contradicente. Si quis
l.12 autem de heredibus meis aut aliqua intromissa persona contra hanc donationem quam libera mente et propria voluntate ex
l.13 rebus michi a progenitoribus concessis facio aliquam calumpniam monachis post meum decessum inferre voluerit, nisi cito humi-
l.14-liatus ad eos proferens emendationem venerit, in primis Dei omnipotentis et perpetuae virginis MARIAE atque omnium
l.15 electorum Dei iram incurrat, et cum Juda traditore atque Simone mago vivus in infernum descendens semper ibi
l.16 ardeat ac deinde irritum fiat quod vindicat. Ut autem haec auctoritas pleniorem in Deo optineat fir-
l.17-mitatem, manu propria eam sub signo sanctȩ crucis firmavi manibusque filiorum necnon et fidelium meorum
l.18 affirmare rogavi. [colonne1] Signum Hugonis [croix]. Signum Hervei militis ejus. Signum Rotberti Marcelliacensis. [colonne2] Signum [croix] Hugonis archidiaconis filii ejus. Signum Odonis filii ejus. Signum Hervei filii ejus. Signum [croix] Gausfredi filii ejus. Item filii ejus Gisleberti. Signum Helgodi. Signum Lantberti vicarii. Signum Frodgerii. Signum Gualterii. Signum Rainardi. Signum Christiani majoris.

1