Nivelon de Fréteval donne le bois situé entre Fréteval, Petra Sigillaria, le bois du comte, et le Mont Gentil.

l.1 Omnibus sanctȩ Dei ecclesiȩ rectoribus atque cultoribus tam futuris quam
l.2 modo viventibus notum fieri volumus quod Nivelo de Fracta
l.3 Valle dedit monachis Sancti Martini totum lucum a Fracta Valle
l.4 usque ad Petram Sigillariam, et usque ad lucum comitis, et usque ad
l.5 Montem Gentilem, tali modo ut hospites quotquot monachi herbergarent ibi,
l.6 essent monachorum soluti et quieti, et unusquisque illorum hospitum haberet unum
l.7 arpennum terrȩ, de quo arpenno et de hospitibus monachi haberent omnes consuetudines solutas et quietas. De alia vero terra, quam idem hospites excolerent, haberet Nevelo terragium suum. Acciperent autem hospites illi de bosco illo, ad omnia opera sua facienda sine forestagio, preter ad vendendum. Quod si forte venderent, forestagium exinde redderent. Hoc donum
l.8 concessit Ursio filius ejus, et Hamelinus frater ejus, et Agnes vicecomi-
l.9-tissa soror sua. Concessit hoc etiam Stephanus de Fracta Valle
l.10 et Guarinus Malus Clericus. Hujus rei testes sunt ex parte
l.11 Nivelonis: Jeremias, filius Fulcherii de Mota, Paganus
l.12 Dublellus, Burchardus de Vindocino, Hubertus Mustellus,
l.13 Odo Dimidius clericus, Matheus de Fracta Valle, Stephanus
l.14 de Lineriis, Guillelmus Perchat, Gualterius Hildreii filius,
l.15 Hugo Bernardi filius de Feritate, et Nivelo frater ejus.
l.16 Ex parte vero monachorum: Hugo Raimbaldi filius,
l.17 Ingelricus major, Tetbaldus Pelatus, Bernardus de
l.18 Charchehu, Raginaldus Musterollus, Guarinus forestarius,
l.19 Moysam molendinarius, Gualterius closarius.

1