Bernier, doyen, et le chapitre cathédral de Paris abandonnent au chanoine Herbert le droit de nommer et de révoquer les curés d'Orly.

l.1 IN NOMINE SANCTE ET INDIVIDUE TRINITATIS.
l.2 Quoniam humanȩ fragilitatis est ea etiam quȩ sub nostra fiunt presentia, cito cotidie a nostra dilabi memoria,
l.3 necessarium duximus, ea quidem litterarum apicibus annotare, quȩ non volumus vento oblivionis committere:
l.4 quod enim memoriȩ nostrȩ repentina subripit oblivio, litterarum monimentis et scripturarum revocatur testi-
l.5-monio. Ego igitur Bernerus decanus, et totus Parisiensis ȩcclesiȩ conventus, notum fieri volumus, tam futuris quam presen-
l.6-tibus, presbiteros de Orliaco, quicumque fuerint, ȩcclesiam illam de Orliaco, nostro assensu, nostro etiam munere, et nunquam
l.7 aliter, possidere aut possedisse, et temporale beneficium quod pertinet ad presbiteratum, a nostra manu semper
l.8 suscepisse. Nec solum imponendi presbiteros, sed etiam, prout justum fuerit, expellendi et commutandi licen-
l.9-ciam habemus, et, tanquam in subditos nostros, debitȩ potestatis justiciam in eos exercemus. Hanc ergo po-
l.10-testatem, Herberto, concanonico nostro, quamdiu vixerit, habendam concedimus; ita scilicet, ut quicquid juris
l.11 aut consuetudinis, aut potestatis in presbiteros illos habuimus, habeat, et in impositione vel commutati-
l.12-one presbiterorum, vices nostras solus exerceat, et ex integro possideat. Sed, ne res ȩcclesiastica a fratrum commu-
l.13-nitate omnino videatur esse alienata, diffinitum est ut, post decessum illius, ad nostram redeat communitatem, et con-
l.14-cessum est sub anathemate, ut nulla ulterius persona hanc habeat potestatis dignitatem. Ut autem hȩc
l.15 diffinitio inviolabilem in posterum obtineat firmitatem, presenti scripto memoriȩ commendavimus, et no-
l.16-minum nostrorum inscriptione cartam istam signavimus. [croix] S. Berneri decani. S. Adȩ precentoris. S. Guillel-
l.17-mi archidiaconi. S. Stephani archidiaconi. S. Raginaldi archidiaconi. S. Landonis presbiteri. S. Durandi presbiteri. S. Alexan-
l.18-dri presbiteri. S. Hilduini diaconi. S. Guineranni diaconi. S. Johannis diaconi. S. Demberti subdiaconi. S. Tetbaldi subdiaconi.
l.19 S. Alberti subdiaconi. Actum publice in capitulo Sanctȩ Mariȩ, anno ab incarnatione Domini MCVIImo,
l.20 indictione XVma, epacta VIta, concurrente I, Philippo rege regnante anno XLVIImo, anno
l.21 episcopatus Galonis IIIo. Girbertus cancellarius scripsit. CYROGRAPHUM.