Baudri, évêque de Noyon, à la prière de Drogon et Wernon, moines de Cluny, donne à Saint-Martin-des-Champs les autels de Heudicourt et Revelon, et la chapelle de Bethencourt, dans le territoire de Péronne.

l.1 In nomine Patris et Filii et Spiritus Sancti, ego Baldricus, Dei gratia Noviomensis episcopus,
l.2 universis sanctȩ religionis cultoribus salutem. Cum piam predecessorum nostrorum
l.3 providentiam ȩcclesiarum cultoribus benigna largitione noverimus subvenisse,
l.4 illorum exemplis informati, eorum vestigiis debemus adherere, et, in quantum
l.5 possumus, Deo servientibus necessaria ministrare. Sciat igitur presens etas
l.6 et futura, quosdam Sancti Petri Cluniacensis monachos, Drogonem scilicet et Wer-
l.6-nonem, ad nos venisse, et altare de Heldincurt, altare quoque de Revelon,
l.8 cum appendenti capella de Berencurt, in Perronensi territorio sita, a nobis
l.9 petiisse. Considerata ergo eorum devotione, immo Cluniacensium fratrum ab
l.10 omnibus reverenda religione, concessimus eis, eorumque loco, Sancto videliet Martino
l.11 in Campis, predicta altaria perpetuo tenenda, Gerardo archidiacono nostro assen-
l.12-tiente, Achardo quoque qui eadem altaria hactenus sub personatu tenuerat, cete-
l.13-risque clericis nostris assentientibus; ea scilicet conditione, quod presbiteri eisdem alta-
l.14-ribus servientes curam inibi pertinentem ab episcopo seu ab archidiacono suscipiant;
l.15 et debitam eis eorumque ministris obȩdientiam exhibeant, atque unoquoque anno,
l.16 in festivitate sancti Remigii, solitum censum, octo scilicet solidos, eisdem sicut antea
l.17 solvant; sicque Sancti Martini monachi prefata altaria, sub perpetua libertate, teneant.
l.18 Quod ut nostris seu futuris in temporibus ratum et inviolatum maneat, pontifica-
l.19-li auctoritate confirmavimus, et sigilli nostri signo corroboravimus, clericis nostris
l.20 presentibus et assentientibus: Roscelino decano, Gerardo archidiacono, Lantberto
l.21 Tornacensi archidiacono, Hugone thesaurario, Rorigone preposito, Petro cantore,
l.22 Guidone cancellario, Arnulfo, Goisfredo, Radulfo, Desiderio, Odone, Bernero,
l.23 Landrico.
l.24 Actum Noviomi, anno Dominicȩ Incarnationis MoCoVIo, indictione XIIIIa, reg-
l.25-nante rege Philipo, episcopante domno Baldrico.