Foulques, doyen, et le chapitre cathédral de Paris concèdent à Evrard, maire de l'Hay, à Isabelle, sa femme, et à Pierre et Renaud, ses fils, des biens acquis par Robert, frère dudit Evrard.

l.1 EGO Fulco decanus, et sancte Marie Pariensis ecclesie conventus, notum
l.2 fieri volumus cunctis Dei fidelibus tam futuris quam presentibus, quod quidam
l.3 noster homo, videlicet Evrardus major Laiaci, in capitulo nostro presentiam
l.4 nostram adiit, cum quibusdam familiarium nostrorum et illius amicorum, qui petiit a nobis
l.5 amicorum suorum multiplicatis precibus, quatinus conquestum Roberti fratris sui absque
l.6 herede mortui illi concederemus. Sed quoniam nobis fidelis et obediens per omnia
l.7 extiterat, non difficulter obtinuit a nobis quod petierat. Supradictum igitur conquestum
l.8 sub quinque heredibus illi concessimus habendum, scilicet ipso Evrardo et
l.9 uxore sua Isabel et duobus filiis suis laicis Petro et Reinaldo. Quibus
l.10 defunctis, quintus in capitulum nostrum adducetur, ibique nominatus, conventui
l.11 fratrum representabitur. Quod ut firmum maneat, scribi precepimus, et scriptum
l.12 roborandum, manibus nostris tetigimus. Signa quoque nostra subnotavimus, ut
l.13 testimonio veritatis, quod factum fuerat, fulciretur. Actum publice
l.14 Parisius, anno MCI, indictione IX, epacta XVIII, concurrente I,
l.15 regnante rege Philippo anno XLII, episcopatus Vuillelmi anno VI.
l.16 S. Fulconis decani. S. Reinaldi archidiaconi. S. Waleranni precentoris. S. Rogeri sacerdotis. S. Anscheri diaconi. S. Girberti subdiaconi.
l.17 S. Petri pueri. Signa laicorum: S. Stephani, majoris de Castaneto, S. Aelardi
l.18 de Fontaneto, S. Anscheri, S. Rainardi, S. Herberti, S. Teobaldi, S. Engele-
l.19-rii, S. Henrici. CYROGRAPHUM.