Philippe I^er, roi de France, donne à l'église de Paris sa serve Hildegarde, avec les biens que celle-ci avait reçus de son père, et avec sa postérité.

l.1 IN NOMINE SANCTȨ ET INDIVIDUAE TRINITATIS. Regalis celsitudinis amplitudinem decet, multimodo
l.2 beneficiorum fructu jugiter exuberare, et precipue pietatis et misericordiȩ operibus, veluti quibusdam aromatum
l.3 odoribus, indesinenter efflagrare. Unde ego Philippus, Dei gratia Francorum rex, presentibus et posteris volumus patefieri,
l.4 quod Fulco, Parisiensis aecclesiae decanus, et precentor Walerannus, cum aliis optimatibus, nostram adeuntes presentiam, rogatu multo
l.5 postulaverunt, quatinus quandam ancillam nostram, Gumboldi filiam, nomine Hidegardem, in ancillam beate Mariae
l.6 misericorditer donaremus. Quorum obsecrationibus, suasu et consilio primatum palatii nostri, benigne tandem adquiescentes,
l.7 filio nostro Ludovico favente, et donna B. regina annuente, prefatam ancillam, cum omni fructu qui ex ea erit, et
l.8 cum omni substancia a patre sibi data, sine ulla successorum nostrorum refragacione, beate Mariȩ imperpetuum habendam
l.9 concessimus, et omnem in eam dominandi potestatem a nobis et successoribus nostris removentes, canonicis ejusdem ecclesiae transtulimus.
l.10 Porro ut regiȩ majestatis dispensatio rata fixa, et inconvulsa infinite permaneret, litteratorio memoriali
l.11 precepimus aeternari, sigillo et caractere [monogramme] nostri nominis honestari, testibus corroborari suique
l.12 temporis nota assignari. Anno incarnati Verbi MC, epacta XVIII, indictione et concurrentibus. VII,
l.13 data Parisius, VI kalendas martii, luna XXIIa, anno regni nostri XLIII.
l.14 S. Pagani dapiferi. S. buticularii. S. camerarii. S. Hanrici Loher.
l.15 Gislebertus cancellarius relegendo subscripsi [chrisme].
l.16 [sceau].

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 194, n° 321.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 152-153, n° 129.

PROU (M.), Recueil des actes de Philippe I^er, roi de France (1059-1108), Paris, 1908 (Chartes et diplômes relatifs à l'Histoire de France), p. 351-352, n° 141.