Foulques, doyen, et le chapitre cathédral de Paris concèdent à Evrard, maire de l'Hay, et à son fils Renaud une terre appelée Main-Ferme, à l'Hay.

l.1 Ego Fulco, decanus, et Sancte Mariae Parisiensis aecclesiȩ conventus, notum vo-
l.2-lumus fieri nostris successoribus, quod quidam noster homo, videlicet Ewrardus, major
l.3 Laiaci, venit en capitulum nostrum cum quibusdam familiarium nostrorum et illius amicorum, qui,
l.4 supplicantes, petierunt a nobis multis precibus quatinus quandam terram, que est aput villam
l.5 Laiacum, illi manufirmaremus. Est autem illa terra in territorio Laiaci, quȩ Manus
l.6 Firma appellatur ab ipsius ville incolis, in qua est molendinus unus, et pratorum arpen-
l.7-nus unus et dimidius, et alia terra aratrorum cultibus apta. Quorum supplicationibus nequa-
l.8-quam refragati sumus; sed, quia nobis fidelis semper extiterat, non difficulter obtinuit a nobis quod
l.9 petebat. Concessimus igitur illi supradictam terram sub tribus heredibus habendam, quorum ipse
l.10 Evrardus est primus, Renaldus, filius ejus, secundus; quibus defunctis, tercius in capitulum adducetur, et, ibi
l.11 nominatus, conventui fratrum prȩsentabitur. Quod, ut firmum maneat, scribi prȩcepimus, et scriptum
l.12 roborando manibus nostris tetigimus, signa quoque nostra subnotavimus. Actum Parisius publice,
l.13 anno incarnationis Domini MC, indictione XI, concurrentibus et aepactis VII,
l.14 regnante Philippo, anno sui regni XLmo, episcopatus Willelmi Vto. S. decani Fulconis. S. Waleranni prȩcentoris.
l.15 S. Vulgrini archidiaconi. S. Rainaldi archidiaconi. S. Goderanni sacerdotis. S. Rogeri sacerdotis. S. Hanrici diaconi. S. Alberici diaconi. CYROGRAPHUM.