Robert, abbé de Saint-Germain-des-Prés, cède à Geoffroi, évêque de Paris, et à son église la moitié du domaine de Garches et un moulin sur la Sèvre en échange de deux autels situés l'un à Suresnes et l'autre à Avrainville.

l.1 CUNCTIS SANCTAE AECCLESIAE RECTORIBUS NON SOLUM SATAGENDUM ET MAXIME EST PROCURANDUM
l.2 ne detrimentum patiantur commissarum sibi animarum, verum etiam ne ȩcclesiasticarum rerum incur-
l.3-rant aliquo modo dispendium. Iccirco in nomine sanctȩ et individuȩ Trinitatis, ego Rotbertus, abbas coeno-
l.4-bii sancti levitȩ et martyris VINCENTII, necnon almi confessoris Christi GERMANI, Parisiorum tutoris, notifico
l.5 cuncto coetui Christi fidelium, quod pro coemptione vel potius commutatione duorum altarium, damus
l.6 venerabili Parisiorum pontifici, domno videlicet Gosfrido, hȩc ex rebus nostrȩ ȩcclesiȩ, medietatem scilicet
l.7 cujusdam nostrȩ possessiunculȩ quȩ Garziacus dicitur, necnon quoddam molendinum, in fluviolo Savara
l.8 nuncupato situm, sibi ac sanctae Parisiacensi ȩcclesiȩ, in perpetuum concedimus habere et possidere. Isdem vero
l.9 domnus episcopus, pro hoc supradicto commertio, dat ȩcclesiȩ Sancti martyris VINCENTII almique GERMANI, Christi
l.10 confessoris, ut jamdictum est, duo altaria perpetim possidenda et habenda, annuente hoc idem
l.11 Joscelmo archydiacono et cuncto senatu clericorum, ita videlicet ut ab hac die et deinceps nulli
l.12 aut episcopo vel archydiacono aliqua occasione sint dedita, aut ullius consuetudinis redibitione sint
l.13 obnoxia, exceptis circadis et synodis, necnon et his quȩ ad animarum curam pertinent. Quorum [alterum]
l.14 situm est in quadam nostra possessione quȩ Surisnis dicitur, alterum quoque in quodam nostro [item]
l.15 predio, quod Evrinivilla nuncupatur. Verum ut per cuncta succedentium temporum curricula
l.16 hȩc commutatio fieret rata, annuente domino nostro PHYLIPPO rege, ac manu propria hanc conscrip-
l.17-tionis cartulam firmante in conventu nobilium tam clericorum quam laicorum, a fratribus nostris
l.18 unaque a nobis demum est stabilitum ac corroboratum.
l.19 ACTUM PARISIUS, ANNO VERBI INCARNATI MLXX, REGNANTE PHYLIPPO REGE ANNO XI.
l.20 S. Manasse, Remensis archipresulis. S. Gualterii, Meldensis episcopi. S. Rogerii, Catalaunensis presulis.
l.21 S. Alberici monachi. S. Gualterii monachi. S. Girardi monachi. S. Ebroini monachi. S. Baldrici monachi. S. Gualterii monachi. S. Rotberti monachi. S. Ademari monachi. S. Ivonis monachi.
l.22 S. Rodulfi monachi. S. Guillelmi monachi. S. Amalberti monachi. S. Durandi monachi. S. Odonis monachi. S. Hugonis monachi. S. Leutfredi monachi. S. alterius Odonis monachi. S. Godefredi monachi.
l.23 S. DOMINI PHY-[croix]-LIPRI REGIS. S. Alfredi monachi. S. Vulfranni monachi. S. Hermandi monachi. S. Nivilonis monachi.
l.24 S. Adroldi monachi. S. Osberni monachi. S. Gualterii monachi. S. Odonis monachi. S. Johannis monachi. S. Otgerii monachi. S. Ivonis archydiaconi. S. Fulcoii clerici.
l.25 S. Rodulfi clerici. S. Orrici clerici. S. Henrici clerici. S. Isembardi clerici. S. Gualterii clerici. Laici: S. Eustachii. S. Hermeri. S. Henrici. S. Odonis. S. Amalfridi.
l.26 S. Lamberti. S. Gosfridi. S. Anselli. S. Girelmi. Nostri laici: Josceranni. S. Tetbaldi. S. Guineranni. S. Heldeberti. S. Aernulfi.
l.27 Ivo comes. Albericus, frater ejus. Guarinus, cognomine Ridellus. Tetbaldus de Monte Maurentio. Guarnerius. Petrus, filius ejus. Hugo de Pusatio.
l.28 Hugo, dapifer episcopi. Balduinus, dapifer regis, Hugo, frater archipresulis Remensium.
l.29 EGO GISLEMARUS CANCELLARIUS SCRIPSI ET SUBSCRIPSI. CYROGRAPHUM.

GUERARD (Benjamin), Cartulaire de Notre-Dame de Paris, 4 vol., Paris, 1850, t. 1, p. 56.

PROU (M.), Recueil des actes de Philippe I^er, roi de France (1059-1108), Paris, 1908 (Chartes et diplômes relatifs à l'Histoire de France), p. 132-134, n° 49.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 108-110, n° 66.

PARISSE (Michel), Remarques sur les chirographes et les chartes-parties antérieures à 1120 et conservées en France, dans Archiv für Diplomatik, 32 (1986), p. 546-567, p. 561-563.