Henri I^er, roi de France, notifie que Theodo de La-Ferté-sur-Ourcq renonce aux coutumes injustement imposées à Marigny, villa de l'abbaye Sainte-Geneviève de Paris.

l.1 In Dei nomine ego Hinricus rex Dei gratia Francorum, omnibus nostris fidelibus tam presentibus quam futuris, notum fieri
l.2 volumus, qualiter Teudo de Firmitate quȩ appellatur Urc, ante nostram presentiam veniens, consuetudines malas,
l.3 quas injuste possederat in villa apostolorum Petri et Pauli et sanctȩ Genovefȩ, quȩ Marisiacus nominatur, ejus loci
l.4 decano Ulrico et canonicis adstantibus dimisit; his retentis, quas predecessores tenuerant sui, quasque tam
l.5 canonici quam ejusdem pagi villani racionibus suis raciocinati sunt, et jurejurando comprobaverunt:
l.6 videlicet de mansione una mina avenȩ, et ad versaturam omnes carrucas villȩ una vice, et ad binaturam
l.7 una vice; de carruca integra, XII denarios, de dimidia, VI et de eis qui cum bubus non laborant, de unaquaque
l.8 mansione II denarios; in herba apud civitatem Suessionem, unum carratum in anno; ad hoc, lignarium semel ad Nativi-
l.9-tatem Domini, et si necesse fuerit propter vuerram, et non malo ingenio fiat, ad firmaturam castelli adducant palos et
l.10 virgas. His exceptis, alias omnes consuetudines, quas ante hac injuste possederat, ecclesiȩ apostolorum Petri et Pauli
l.11 et sanctȩ Genovefȩ in perpetuum, sine ulla inquietatione, dimisit; litteris inde ejus intinctu et assensu compositis,
l.12 manuque propria firmatis, nostra necnon nostrorumque fidelium manu corroboratis. Quod si ipse vel aliquis
l.13 ex heredibus suis missionem hanc calumpniari vel destruere presumpserit, auri cocti nobis libram componat,
l.14 nihilque proficiat, sed quod temptaverit irritum permaneat; et ut he litterȩ firmȩ et stabiles in perpetuum maneant,
l.15 ex meo sigillo insignire feci.
l.16 [sceau]. [croix]. [croix]. PETRUS PAULUS GENOVEFA.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 173-174, n° 280.

GIARD (René), Note sur une ancienne charte-partie conservée aux Archives Nationales, in Bibliothèque de l'Ecole des Chartes, t. 61 (1900), p. 201-206.

SOEHNEE (F.), Catalogue des actes d'Henri I^er, roi de France (1031-1060), Paris, 1907 (Bibliothèque de l'Ecole des Hautes Etudes, sciences historiques et philologiques, 161), n° 26.

PARISSE (Michel), Remarques sur les chirographes et les chartes-parties antérieures à 1120 et conservées en France, dans Archiv für Diplomatik, 32 (1986), p. 546-567, p. 555-556.