Henri I^er, roi de France, à la prière de l'abbé Hubert, autorise les serfs de Saint-Germain-des-Prés à porter témoignage en justice contre les hommes libres.

l.1 [chrisme] IN NOMINE DOMINI DEI SUMMI. EGO HENRICUS, DIVINA DIGNATIONE FRANCORUM REX. Quoniam par conditio et eadem professio
l.2 cultus indissimilis aequales facit homines, nec in mundi prima dispositione alter alteri preponitur, et non homo homini, sed animantibus et bestiis terre preesse
l.3 precipitur, unde, et auctore Deo et primordio inspecto et natura considerata, nullus degener extat, attendentes etiam quod ad aecclesiam Dei
l.4 tuendam, et malignorum nequitiam propulsandam, et jura conservanda, majorem inter homines locum tenemus et regis nomine censemur; perpitientes
l.5 insuper quod hii qui sunt homines ȩcclesiarum de capite suo et monasteriorum, si in fide nobiscum participantur, non sunt ancille filii sed libere, qua liberta-
l.6-te Christus nos liberavit, unde, et ipsius aeclesie et fidei intuitu, tenemur eis et honorem deferre et manum nostri levaminis in his, in quibus adgravantur, porrigere.
l.7 Notum fatimus cunctis, presentibus pariter et futuris, quod, ad petitionem venerabilis viri Huberti, abbatis monasterii Sancti Vincentii et Sancti presulis
l.8 Germani, in suburbio Parisiacensi, inspecto privilegio Karoli magni, quod subjuncta continere videbatur, inspitientes quomodo prefatum monasterium ad
l.9 nostrum spectat et pertinet imperium, homines jamdicte ȩcclesiȩ auctoritate regia, in omnibus honestamus, quatinus in quibuslibet causis, placitis et querelis
l.10 contra liberos, ut testes legitimi testimonium exaltati, amodo et in sempiternum proferant, nullumque dampnum patiantur aut repulsam, sed probationes
l.11 eorum aut liberi suscipiant, aut contradicendo falsificent. Si quis autem huic nostre astipulationi occurendo obviare presumpserit, primo causam, de qua agit,
l.12 imperpetuum amittat, deinde auri libras centum fisco nostro componat. Ut hoc autem scriptum nostre voluntatis et precepti habeat evidens inditium,
l.13 manu propria firmavimus et sigilli nostri impressione et nominis nostri karactere firmare et signare precepimus. Attestantibus hiis, quorum subjuncta sunt
l.14 nomina et signa. S. Imberti, Parisiensis episcopi. S. Guidonis, Silvanectensis episcopi. S. Radulfi comtis. S. Rotroldi comitis. S. Galeranni comitis. S. Ingenul-
l.15-fi pincerne.
l.16 Balduinus cancellarius [monogramme] scripsit et subscripsit.
l.17 [sceau].
l.18 Actum Parisius, anno incarnati Verbi MoLmoVIIIvo, regni vero Henrici gloriosissimi regis XXmoVIIIvo.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 170, n° 174.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 121-122, n° 95.

SOEHNEE (F.), Catalogue des actes d'Henri I^er, roi de France (1031-1060), Paris, 1907 (Bibliothèque de l'Ecole des Hautes Etudes, sciences historiques et philologiques, 161), p. 114, n° 112.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 101-103, n° 63.