Imbert, évêque de Paris, concède à l'abbaye de Saint-Germain-des-Prés l'autel de Saint-Georges, dans la villa épiscopale de Villeneuve.

l.1 [chrisme] CUM sit condecens et oportunum cunctis christianis populis privilegium pacis, maxime tamen hoc congruit
l.2 viris aecclesiasticis, videlicet clericis et monachis qui activae vitae ad hoc bene invigilant ut
l.3 contemplativae aliquando Deo propiciante inhereant. Huic vero intendere operi divini est cultus obsequii, nec priva-
l.4-bitur a mercede qui Dei aecclesias curaverit a mundi inquietudine eripere, neque auctoritati derogatur aliquo modo
l.5 aecclesiasticae, si quid in servis Dei agitur pro pacis quiete. Unde ego Imbertus, gratia Dei, non meis meritis, Parisiorum
l.6 episcopus, notum esse cunctis Dei fidelibus tam futuris quam presentibus volo quia cum senodalem conventum celebraremus in sancta
l.7 Parisiorum ȩcclesia, adiit presentiam nostram abbas monasterii martyris et laevitae Vincentii, necnon
l.8 etiam almi presulis GERMANI, NOMINE Adraldus, cum ejusdem loci fratribus, humiliter obsecrans ut ei altare
l.9 quod est constructum in honore sancti GEORGII martyris, in villa nostri episcopatus quae dicitur Villa Nova, perpetualiter
l.10 possidendum concederemus, ad supplementum victus monachorum in eodem monasterio Christo servientium. Quod pietatis opus
l.11 negare non bonum duximus, presertim cum id ea maxime causa expetierint, ne a successoribus nostris frequenti coemptione
l.12 gravarentur vel obpressione inquietarentur. Concessimus autem praenominatae villae altare Deo et ejus martyri
l.13 et laevitae VINCENTIO, beato quoque presuli Germano, ad supplementum victus servorum suorum, videlicet monachorum,
l.14 perpetualiter possidendum et quicquid ad ipsum aspicit preter synodum et circadam, annuente Alberto archydia-
l.15-cono et Elisierno archydiacono, necnon Olrico ejusdem gradus prestantissimo viro, nostris quoque clericis et cuncta
l.16 synodo, ut amodo et in perpetuum illud teneant et possideant. Ut autem hujus nostrae donationis privilegium firmum
l.17 et in perpetuum stabile permaneat, manu nostra subter firmavimus et clericis nostris firmandum tradidimus. Si quis autem,
l.18 quod futurum non credo, post mortem nostram aut episcopus nostro loco succedens seu archydiaconus vel aliqua persona contra hoc scriptum surgens
l.19 infringere conaverit, sciat se esse dampnandum nisi resipuerit, et ad emendationem seu satisfactionem ante corpus sancti Germani
l.20 cujus dominio traditum est penitendo confugerit. ACTUM PUBLICE PARISIUS CORAM SANCTA SYNODO, REGNANTE HEINRICO REGE ANNO XV. [colonne1] S. Imberti presulis. S. Lisierni decani et archydiaconi. S. Ulrici archydiaconi. S. Alberti archydiaconi. S. Willelmi presbiteri. S. Landrici sacerdotis. S. Huberti sacerdotis. S. Gisliberti sacerdotis. S. Rainaldi sacerdotis. S. Euvrardi sacerdotis. S. Alberti sacerdotis. [colonne2] S. Landrici laevitȩ. S. Mainardi lȩvitȩ. S. Rainaldi lȩvitȩ. S. Odonis lȩvitȩ. S. Huberti lȩvitȩ. S. Landonis lȩvitȩ. S. Adelelmi lȩvitȩ. S. Drogonis lȩvitȩ. S. Umberti lȩvitȩ. S. Gerardi lȩvitȩ. S. Goscelini lȩvitȩ. [colonne3] S. Waleranni comitis. S. Ivonis comitis. S. Willelmi comitis. S. Rodulfi comitis. S. Milonis militis. S. Heinrici militis. S. Burchardi militis. S. Hugonis Rufi. S. Beggonis militis. S. Balduini militis. S. Widonis militis. [colonne4] S. Ursonis subdiaconi. S. Geroldi subdiaconi. S. Ivonis subdiaconi. S. Warini subdiaconi. S. Goscelini subdiaconi. S. Ivonis subdiaconi. S. Hugonis subdiaconi. S. Petri subdiaconi. S. Walterii subdiaconi. S. Fulcoii subdiaconi. S. Alberici subdiaconi. [colonne5] S. Warini acoliti. S. Drogonis acoliti. S. Milonis acoliti. S. Walterii acoliti. S. Warini acoliti. S. Vulgrini acoliti. S. Manasse acoliti. S. Milonis militis. S. Ansoldi militis. S. Warnerii militis. S. Maingodi militis.
l.21 S. Warini clerici. S. Heinrici fratris ejus. S. Drogonis militis. S. Rainardi militis. S. Avesgaudi clerici. S. Ade militis. S. Johannis militis. S. Hilduini militis.
l.22 S. Fulconis militis. S. Sulpicii militis. S. Haymonis militis. S. alterius Haymonis militis.
l.23 HARDRADUS SUBSCRIPSIT CANCELLARIUS OCTOBRI MENSE.