Imbert, évêque de Paris, concède à Adraldus, abbé, et aux moines de Saint-Germain-des-Prés, sur leur requête, l'autel de Saint-Saturnin, à Antony.

l.1 [chrisme] INTER CETERA APOSTOLORUM PRAEDICAMENTA
l.2 QUIBUS AUCTORE DEO SANCTA MATER AECCLESIA [INTER FLUCTUS HUJUS VITE MORTALIS PERICULOSQUE NAUFRAGIA INSTAR SOLIS RADIORUM]
l.3 PERSEVERAT PREFULGIDA, VERA KARITAS FRATERNA COMPASSIO MAXIME PER AECCLESIASTICUM ORDINEM UT VOCE ET OPERE
l.4 PRAEDICETUR OPORTET. Unde et apostolus, necessarios alimoniae sumptus a fratribus suscipiens, istius compassionis fonte
l.5 animatus, ait: Vos bene fecistis, communicantes necessitatibus meis. Et in alio loco: Si compatimur, et conreg-
l.6-nabimus. Et iterum: Alter alterius honera portate, et sic adimplebitis legem Christi. His atque aliis sanctorum
l.7 patrum eruditionibus fretus, in nomine sanctae et individuȩ Trinitatis, IMBERTUS, non meis exigentibus meritis sed gratia praeveniente
l.8 redemptoris, Parisiorum episcopus, notum fieri volo omnibus coepiscopis nostris, presbiteris, diaconibus, seu cunctis utriusque ordinis clericorum
l.9 scilicet ac monachorum, tam praesentibus quam futuris per ventura tempora succedentibus, qualiter Adraldus, sancti VINCENTII laevite et
l.10 martyris, necnon et egregii presulis GERMANI Parisiorum tutoris coenobii abbas, ceterorumque monachorum ipsius loci senatus,
l.11 nostram serenitatem adierunt, humiliter deprecantes ut ob amore Dei omnipotentis et sanctae MARIAE ejus genitricis simulque praenominatorum
l.12 VINCENTII et GERMANI, et ut memoria nostra ac successorum nostrorum in eorum loco perpetualiter habeatur, quoddam altare in
l.13 honore beati SATURNINI dedicatum, in pago Parisiaco et in potestate quȩ vocatur Antoniacus, eis in perpetuum possidendum concederemus.
l.14 Quod ita et fecimus, archidicono nostro ELISIERNO ex cujus ministerio est assensum praebente, eo videlicet ordine ut numquam amplius nobis
l.15 seu posteris nostris aliquid debitum seu servitium persolvant, nisi tantum sinodum et circadam, sed absque ulla inquietudine alicujus
l.16 episcopi seu archidiaconi ab hodierna die et deinceps monachi Deo inibi famulantes praefatum altare et quicquid ad illud pertinere videtur,
l.17 secure teneant atque possideant. Et ut haec descriptio majorem per tempora obtineat vigorem, coram sancta sinodo manu
l.18 propria eam subter firmavimus manibusque archidiaconorum nostrum ceterorumque clericorum illic residentium corroborandam tradidimus.
l.19 Si quis autem, quod futurum non credo, post mortem nostram aut episcopus nostro loco succedens seu archidiaconus vel aliqua persona contra hoc
l.20 scriptum surgens infringere conaverit, sciat se esse dampnandum, nisi resipuerit et ad emendationem seu satisfactionem
l.21 ante corpus sancti GERMANI, cujus dominio traditum est, penitendo confugerit. ACTUM PUBLICȨ PARISIUS CORAM SANCTA SINODO,
l.22 REGNANTE HEINRICO REGE ANNO XIIcimo.
l.23 SIGNUM IMBERTI PARISIORUM EPISCOPI [croix]. SIGNUM ELISIERNI ARCHIDIACONI [croix]. SIGNUM OLRICI ARCHIDIACONI [croix]. SIGNUM ALBERTI ARCHIDIACONI [croix].
l.24 S. HUBERTI SACERDOTIS [croix]. S. DURANNI SACERDOTIS [croix]. S. DROGONIS SACERDOTIS [croix]. S. LANDRICI SACERDOTIS [croix]. S. EVRARDI SACERDOTIS [croix]. S. GISLEBERTI SACERDOTIS [croix]. S. ITEM ERVRARDI SACERDOTIS [croix]. S. WITBERTI SACERDOTIS [croix].
l.25 S. WILLELMI SACERDOTIS [croix]. S. RAINALDI SACERDOTIS [croix]. S. LANDRICI LEVITE [croix]. S. LANDONIS LEVITE [croix]. S. HUBERTI LEVITE [croix]. S. ODONIS LEVITE [croix]. S. ITEM ODONIS LEVITE [croix]. S. RAINALDI LEVITE [croix]. S. ROTBERTI LEVITE [croix].
l.26 S. MAINARDI LEVITE [croix]. S. HUMBERTI LEVITE [croix]. S. IVONIS SUBDIACONI [croix]. S. ITEM IVONIS SUBDIACONI [croix]. S. URSONIS SUBDIACONI [croix]. S. HUGONIS SUBDIACONI [croix]. S. GIRALDI SUBDIACONI [croix]. S. MANASSE SUBDIACONI [croix]. S. DROGONIS [croix] SUBDIACONI.
l.27 ITEM S. DROGONIS SUBDIACONI [croix]. S. ANSOLDI SUBDIACONI [croix]. S. PETRI SUBDIACONI [croix]. S. GIRBERTI SUBDIACONI [croix]. S. ADRALDI SUBDIACONI [croix]. S. JOZELMI SUBDIACONI [croix]. S. WARINI ACCOLITI [croix]. S. JOZELMI ACCOLITI [croix]. S. ALBE-
l.28-RICI ACCOLITI [croix]. S. HUGONIS ACCOLITI [croix]. S. JOSFREDI ACCOLITI [croix]. S. AIULFI ACCOLITI [croix]. S. INGELARDI ACCOLITI[croix]. S. DROGONIS ACCOLITI [croix]. S. MANASSE ACCOLITI [croix]. S. FULCOII ACCOLITI [croix]. S. RAINALDI ARCHIPRESBITERI [croix].
l.29 S. JOSFREDI ARCHIPRESBITERI [croix]. S. EVRARDI ARCHIPRESBITERI [croix]. S. ALBERICI ARCHIPRESBITERI [croix]. S. GUNTERII ARCHIPRESBITERI [croix]. DURANNUS SUBSCRIBSIT CANCELLARIUS SANCTE M[ARIE].
l.30 [monogramme]. EGO IMBERTUS PARISIORUM EPISCOPUS HANC NOSTRȨ CONFIRMATIONIS KARTAM DOMINI INVICTISSIMI FRANCORUM REGIS HEINRICI
l.31 AUCTORITATI PERPETUO JURE TRADIDIMUS CORROBORANDAM, CUM IDONEIS TESTIBUS UTRIUSQUE ORDINIS, QUORUM INFRA NOTATA SUNT NOMINA.