Eudes II, comte de Blois et de Champagne, et Ermengarde, sa femme, donnent aux chanoines de Notre-Dame de Château-Thierry la dîme du froment, du vin et les autres dîmes de Château-Thierry.

l.1 IN NOMINE SANCTAE ET INDIVIDUAE TRINITATIS, PATRIS ET FILII ET SPIRITUS SANCTI, AMEN.
l.2 Ego Odo, Francorum comes palatinus, et uxor mea Ermengardis,
l.3 notum fieri volumus, tam futuris quam presentibus, quod nos,
l.4 sano usi consilio, bonorumque virorum salubri corroborati exemplo,
l.5 ea quȩ sunt presentia et numquam in eodem statu permanentia
l.6 respicientes, et in ea quȩ futura sunt, scilicet quȩ incommutabilia
l.7 sunt et ȩterna, nos extendentes, ob animarum nostrarum
l.8 redemptionem, successorumque nostrorum salutem, partem
l.9 bonorum nostrorum, Castello Theoderici pertinentium, videlicet redeci-
l.10-mationem annonȩ vinique cȩterarumque frugum, canonicis Sanctȩ
l.11 Dei genitricis Mariȩ ejusdem loci, Sanctique Senerici, ad sui victus
l.12 incrementum, perpetuo jure possidendam, tradidimus. Ut autem
l.13 traditio ista firmius staret, nunquamque ab ullo cassaretur,
l.14 illi qui huic traditioni nostrȩ interfuerunt, assensu et presentia
l.15 sui quod feceramus confirmaverunt, hujusque facti invasorem,
l.16 aut perversorem, quicumque ille esset, perpetuo anathemate dampnaverunt,
l.17 scilicet: Seguinus, Senonum archiepiscopus, et Hincmarus, Remorum archiepiscopus, Fulbertus, Carno-
l.18-tensis episcopus, qui ad curiam meam venerant. Hujus rei testes sunt: supradicti archiepiscopi et
l.19 Fulbertus episcopus, Theodericus ȩcclesiȩ decanus, Haimericus prepositus, Erlebaldus cantor, Sasvualo senescalcus meus, Isenbardus
l.20 postcomes, Odo vicecomes, Hezelinus miles, Gualcherus de Boseth et Guiboldus Dives et Hagano de Meldis.
l.21 Ego etiam Beroldus, Suessionensis episcopus, quȩ prescripta sunt, laudavi et sub anathemate confirmavi,
l.22 quando ȩcclesiam hujus loci in honore beatȩ Mariȩ dedicavi.
l.23 Illud idem ego, secundus papa Alexander, Odonis gloriosi comitis peticione, laudo, et sigillo meo confirmo,
l.24 et ne quis bona ejusdem aecclesie ulterius surripere presumat, sancti Petri Paulique auctoritate, nostraque, interdico.