Arnoul, roi, donne au prêtre Eginolf deux manses proches de la Moselle, au lieu dit Pont, dépendant du fisc royal de Gondreville.

l.1 [chrisme] IN NOMINE SANCTAE ET INDIVIDUAE TRINITATIS, ARNOLFUS, DIVINA FAVENTE CLEMENTIA REX. OPORTET IGITUR REGIAM DIGNITATEM ERGA OMNES SEMPER ESSE BENIGNAM,
l.2 maxime tamen circa illos, qui prae cȩteris se illius non differunt adhibere servitio. Quapropter omnium sanctae Dei ecclesiae nostrorumque praesentium scilicet et futurorum cognoscat
l.3 industria fidelium, qualiter nos pro aeternȩ mercedis augmento et per interventum Engilperonis cappellani et notarii nostri necnon Alberici vassalli nostri cuidam presbytero et dilecto oratori nostro Eginolf
l.4 nominato, in pago Tullense, in comitatu Hugonis, in loco qui dicitur Pontus super fluvium Mosellam constituto, mansos duos ex utraque parte ejusdem fluminis jacentes, qui ad fiscum nostrum Gundolvesdorf nun-
l.5-cupatum prius pertinebant, cum consensu Otacharii, qui inde beneficiatus est, ad proprium concessimus, cum curtilibus et aedificiis et ancilla Vueseldis nomine liberisque suis, campis, agris, pratis, pas-
l.6-cuis, silvis, aquis aquarumque decursibus, molendinis, piscationibus, viis et inviis, exitibus ac reditibus, quaesitis et inquirendis, cultis et incultis, mobilibus et immobilibus, et cum universis ad prae-
l.7-scriptos mansos rite aspicientibus. Jussimus quoque hoc praesens muniminis nostri praeceptum inde conscribi firmissime imperantes, ut jamfatus presbyter nostris futurisque temporibus liberam securamque de his omnibus
l.8 habeat potestatem tenendi, donandi, vendendi, commutandi vel quicquid exinde voluerit faciendi absque ullius impedimento. Et haec concessionis nostrae auctoritas firma stabilisque perpetuis temporibus
l.9 perseveret, manu nostra subtus eam roborantes anulo nostro jussimus insigniri.
l.10 SIGNUM DOMNI ARNOLFI [monogramme] SERENISSIMI REGIS.
l.11 ENGILPERO NOTARIUS AD VICEM THIOTMARI ARCHICAPPELLANI RECOGNOVI ET (RUNN) [sceau].
l.12 Data kalendis NOVEMBRIS, anno dominicae incarnationis DCCCXCI, indictione VIIII, anno Christo propitio IIII regni domni ARNOLFI regis. Actum Noviomaco. In Dei nomine. Amen.

KEHR (P.), Die Urkunden Arnolfs, Berlin, 1955 (MGH Diplomata regum Germaniae e stirpe Karolinorum, 3), p. 139-140, n° 95.

Chartes originales antérieures à 1121 conservées dans le département de la Meurthe-et-Moselle, Nancy, 1977, (Cahiers du CRAL ; 28), p. 14-15.