Pépin I^er, roi d'Aquitaine, donne à l'abbaye de Saint-Maur-des-Fossés divers biens, à charge pour elle de payer annuellement cinq sous de cens.

l.1 [chrisme] PIPPINUS, GRATIA DEI REX AQUITANORUM. SI PETITIONIBUS SERVORUM DEI JUSTIS ET RATIONABILIBUS DIVINI CULTUS AMORE FAVEMUS, SUPERNA NOS GRATIA MUNIRI NON DIFFIDIMUS. PROINDE NOVERIT OMNIUM FIDELIUM NOSTRORUM, PRAESENTIUM SCILICET
l.2 et futurorum, solertia quia quidam venerabilis abba ex Fossati monasterio, quo ecclesia in honore sancti Petri constructa est, nomine Benedictus, ad nostram veniens praesentiam et in commune ex parte omnium fratrum in eodem monasterio dege[ntium] supplicans ut quoddam
l.3 beneficium eis in villa nuncupante Mediana Gorcia et quartam partem de Ponpeiaci villa aspicientes ad Sangeram scilicet curtem nostram, vel quicquid in eisdem Carissimus quondam ad censum tenuit, simili modo ad censum concederemus. Cujus deprecationem pro mercedis
l.4 nostrae augmento adsensum praebentes, eis hanc conscriptionis cartulam fieri jussimus, per quam jubemus atque libera mente praecipimus ut semper in memoratis locis portionem, quam idem Carissimus habuerat, jamdictus Benedictus vel rectores ex eodem monasterio semper eam
l.5 habeant, teneant vel quicquid in eadem jure disponere aut ordinare voluerint absque alicujus contrarietate faciant, eo videlicet modo ut nostris partibus pro causae vestitura solidos V in censu desolvere annuatim non neglegant, et amplius ab eis exinde nemo requirere
l.6 aut exactare praesumat, ut in alimonia pauperum et in stipendiis ibidem Deo famulantium proficiat perennis temporibus in augmentis. Si vero tardus aut neglegens ex eodem censu praescriptus Benedictus aut aliquis rector ejusdem cenobii apparuerit, cum fide facta eum desolvat
l.7 et memoratum beneficium minime umquam amittant. Et ut haec a fidelibus nostris melius credatur, diligentius conservetur, de anulo nostro jussimus sigillari.
l.8 [chrisme] SAXBODUS DIACONUS AD VICEM ALDRICI RECOGNOVI ET S[UBSCRIPSI] [ruche_notes_tironiennes] [Saxbodus diaconus ad vicem Aldrici recognovi et subscripsi] [sceau].
l.9 Data III nonas martii, anno XVI imperii domni Hludovuici serenissimi augusti et XV regni nostri. Actum Aquisgrani palatio. In Dei nomine, feliciter. Amen.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 84, n° 121.

GIARD (René), Catalogue des actes des rois d'Aquitaine Pépin I^er et Pépin II, in Bibliothèque de l'Ecole des Chartes, 62 (1901), p. 510-531, n° 13.

LEVILLAIN (Léon), Recueil des actes de Pépin I^er et de Pépin II, rois d’Aquitaine (814-848), Paris, 1926, p. 47-49, n° 13.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 8, pl. 18 (fac-similé).