Louis le Pieux, empereur, confirme les privilèges de l'abbaye de Saint-Germain-des-Prés.

l.1 [chrisme] IN NOMINE DOMINI DEI ET SALVATORIS NOSTRI JHESU CHRISTI, LUDOVICUS, DIVINA ORDINANTE PROVIDENTIA IMPERATOR AUGUSTUS. QUICQUID OB AMOREM DEI PRO OPORTUNITA-
l.2-te servorum Dei agimus, hoc nobis ad presentis vite curricula felitius transigenda, et ad future beatitudinis premia facilius obtinenda non dubitamus. Comperiat igitur
l.3 omnium fidelium sancte Dei aecclesie nostrorumque presentium et futurorum industria, quia vir venerabilis Hilduinus, monasterii Sancti Vincentii ac Sancti Germani
l.4 abbas, necnon et sacri palatii archicapellanus, detulit nobis emunitatem genitoris nostri pie recordationis Karoli augusti, in qua invenimus insertum, quomodo ipse et
l.5 antecessores ejus priores reges Francorum, propter divinum amorem et reverentiam sancti Germani, ubique plerique illorum ob nimium amore prefati loci, sua sepeliri corpora manda-
l.6-verunt supradicto monasterio semper sub plenissima defensione et emunitatis tuitione habuissent. Predictus itaque Hilduinus ob majorem firmitatem rei a man-
l.7-suetudine nostra postulavit, ut eorumdem regum auctoritates, ob amorem Dei et reverentiam ipsius sancti Germani, nostra confirmaremus auctoritate. Nos autem, pro mercedis
l.8 nostre compendio, petitioni ipsius libenter adquievimus, et ita in omnibus concessimus, sicut in antecessorum nostrorum privilegiis insertum erat, ac hoc preceptum fieri decrevimus,
l.9 per quod et statuimus, et perpetuo mansurum fore, Domino juvante, precipimus, ut nullus judex, vel quilibet ex juditiaria potestate, vel aliquis ex fidelibus nostris tam presentibus quam futuris, in ecclesias
l.10 aut loca vel agros, seu reliquas possessiones memorati monasterii, quas moderno tempore tam in Frantia quam in Burgundia, seu in Neustria, sive etiam in Aquitania, vel ubicumque in
l.11 regnis, Deo propitio, juste et rationabiliter possidet, vel que deinceps a catholicis viris eidem ecclesie collate fuerint, ad causas audiendas, vel freda, vel tributa, aut telonea exigen-
l.12-da, aut mansiones vel paratas fatiendas, aut fidejussores tollendos, aut homines ejusdem ecclesie, tam ingenuos quam servos, super terras ipsius conmanentes, distringendos, aut illiti-
l.13-tas occasiones requirendas, nostris et futuris temporibus ingredi audeat, vel ea que supramemorata sunt, exigere presumat, sed liceat jamdicto abbati suisque successoribus, res et homines
l.14 predicti monasterii, sub emunitatis nostre defensione, remota totius juditiarie potestatis inquietudine, quieto ordine possidere; et homines de capite contra liberos in
l.15 omni platito testimonium ferre concedimus, ut in alimoniam pauperum et stipendia monachorum ibidem Deo famulantium perhenni tempore, per hoc et alia concessa profitiat, et augmentetur,
l.16 quatinus servi Dei qui ibidem Deo famulantur, pro nobis et pro memorato genitore nostro, et totius regni a Deo nobis collati stabilitate, celestem deprecari opem attentius debeant. Et ut
l.17 auctoritas ista a nostris fidelibus melius credatur, et diligentius conservetur, manu propria subter firmavimus, et anuli nostri impressione signari jussimus.
l.18 SIGNUM [monogramme] HLUDOVICI GLORIOSISSIMI IMPERATORIS. [chrisme] ENEAS NOTARIUS AD VICEM
l.19 HLUDOVICI RECOGNOVIT ET SUBSCRIPSIT.
l.20 [ruche] [sceau].
l.21 Data quinto kalendas marcii, anno Christo propitio VIto Hludovici piissimi augusti, indictione VIIIva. Actum Aquis-
l.22-grani palatio. In Dei nomine, felititer. Amen.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 41-43, n° 31.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 41-43, n° 27.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/1, pl. 27 (fac-similé).