Louis le Pieux, empereur, à la demande du comte Bégon, accorde l'immunité à l'abbaye de Saint-Maur-des-Fossés.

l.1 [chrisme] [Amen] IN NOMINE DOMINI DEI ET SALVATORIS NOSTRI JHESU CHRISTI, HLUDOVUICUS, DIVINA ORDINANTE PROVIDENTIA IMPERATOR AUGUSTUS. CUM PETITIONIBUS SERVORUM DEI JUSTIS ET RATIONABILIBUS DIVINI CULTUSS AMORE FAVEMUS SUPERNA NOS GRATIA
l.2 muniri non diffidimus. Idcirco notum sit omnibus fidelibus nostris, praesentibus scilicet et futuris, quia Bego, fidelis noster, retulit serenitati nostrae qualiter quoddam coenobiolum in pago Parisiaco, in loco qui dicitur Fossatus, in honore beatorum apostolorum Petri et Pauli vel sanctae Mariae semper virginis cons-
l.3-tructum, situm super fluvium Maternam, ubi olim monachi sub sancta regula deguerunt, paene destructum inveniens, ob aemolumentum animae suae eundem locum adsumpto labore restaurare et ad pristinum statum revocare curavit. Sed his peractis veniens ante praesentiam nostram commendavit
l.4 nobis eundem monasterium cum abbate nomine Benedicto unacum monachis eidem abbati ad regendum commissis obsecrans ut deinceps sub nostra defensione et inmunitatis tuitione quemadmodum ceteros abbates monachorum per imperium a nobis divinitus concesso consistunt, ita et illum unacum mo-
l.5-nasterio vel monachis et rebus vel hominibus eidem monasterio juste subjectis consistere faceremus. Cujus petitioni quia rationabilem immo Deo amabilem esse cognovimus, libenter suscepimus et per hos nostros imperiales apices sicut petiit ita et concessimus. Proinde volumus ut praedictus abba
l.6 et monachi in praedicto monasterio degentes, cum rebus quas nunc habere noscuntur vel deinceps juste adquirere poterint, sub nostra defensione et inmunitatis tuitione persistant. Et jubemus atque modis omnibus decernimus ut nullus judex publicus vel quislibet ex judiciaria potestate in ecclesi-
l.7-as aut loca vel agros seu reliquas possessiones praedicti monasterii quas moderno tempore juste et rationabiliter possidere videtur, in quibuslibet pagis et territoriis quicquid ibidem propter divinum amorem conlatum fuit, quaeque etiam deinceps in jure ipsius sancti loci voluerit divina pietas augeri, ad
l.8 causas audiendas, vel freda exigenda, aut mansiones vel paratas faciendas, aut fidejussores tollendos, nec homines ipsius monasterii tam ingenuos quam et servos super terram ipsius residere vid[en]tur injuste distringendos, nec ullas redibitiones aut inlicitas occasiones requirendas,
l.9 ullo umquam tempore ingredi audeat, vel ea quae supramemorata sunt paenitus exigere praesumat. Et quicquid de rebus praefati monasterii fiscus sperare poterat, totum nos pro aeterna remuneratione praedicto monasterio concedimus ut perennis temporibus in alimonia pauperum et stipendia
l.10 monachorum ibidem Deo famulantium proficiat in augmentum. Et quandoquidem divina vocatione supradictus abba vel successores ejus de hac luce migraverint, quamdiu ipsi monachi inter se tales invenire p[otuer]int, qui ipsam congregationem secundum regulam sancti Benedicti regere valeant, per hanc
l.11 nostram auctoritatem et consensum licentiam habeant eligendi abbates. Quatenus ipsos servos Dei qui ibidem Deo famulantur pro nobis et conjuge proleque nostra atque stabilitate totius imperii nostri a Deo nobis concessi atque conservandi jugiter Domini mise-
l.12-ricordiam exorare delectet. Et ut haec auctoritas nostris futurisque temporibus Domino protegente valeat inconvulsa manere, manu propria subter firmavimus et anuli nostri inpraessione signari jussimus.
l.13 SIGNUM [monogramme] HLUDOVUICI PIISSIMI IMPERATORIS.
l.14 [chrisme] DURANDUS DIACONUS AD VICEM HELISACHAR RECOGNOVI ET [ruche_notes_tironiennes] [sceau].
l.15 [chrisme] Data XII kalendas julias, anno Christo propitio imperii domni Hludovuici piissimi augusti, indictione VIIII. Actum Aquisgrani palatio [regio]. In Dei nomine, feliciter. Amen.

DUBOIS (Le Père), Histoire de l'Eglise de Paris, Paris, 1690, t. 1 (1690), p. 323-324.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 7, Instr, col. 7.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 6, p. 491.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 78, n° 108.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/1, pl. 6 (fac-similé).