Charlemagne, roi des Francs, confirme les biens et les privilèges de l'église de Paris.

l.1 KAROLUS, GRATIA DEI REX FRANCORUM ET LONGOBARDORUM AC PATRITIUS ROMANORUM, OMNIBUS FIDELIBUS NOSTRIS TAM PRESENTIBUS QUAM ET FUTURIS.
l.2 Si petitionibus sacerdotum hoc, quod a nostris auribus innotuerunt, ad effectum pro Dei amore mittere studuerimus, procul dubio aeternȩ vitȩ remunerationem habituram non
l.3 dubitamus. Ideoque dum pluris habetur percognitum, qualiter ȩcclesia Parisiaca, quȩ est in ho[nore sanc]tae Mariae matris domini nostri Jhesu Christi et sancti Stephani protomartyris et sancti
l.4 Dionysii et sancti Germani et sancti Marcelli vel sancti Chlodoaldi confessoris et ceterorum dominorum, quorum pignora in ipsa plebe vel in ipsa ȩcclesia Parisiaca adunatȩ
l.5 requiescunt, ubi preest Erkenradus in ipsa plebe episcopus petiit, qual[iter ad anteriores reges] vel a nobis integra emmunitate de omnes villas Parisiaci agros
l.6 vel terraturiis habere videntur concessas. Sed hoc nos, pro mercedis nostri [compendio vel pro reverentia ipsius] sanctȩ pignorȩ quȩ sunt in ipsa plebe Parisius recondite, tam
l.7 villabus, agris, territoriis, cum omnibus ibidem pertinentibus, quarum nomina sunt haec: [Onresiacum] cum omni integritate, Hileriacum cum omnibus ad se pertinentibus, Aureliacum,
l.8 Civiliacum, Castanedum cum cunctis que illis adjacent, Baniolum, Laiacum, et Steovilla cum universis que pertinent ad eas; insuper et fundos quos fidelium liberalitas
l.9 stipendiis eorumdem fratrum delegavit, videlicet Sulciacum, quem Stephanus pie recordationis comes necnon et uxor ejus Amaltrudis eorum usibus delegaverunt,
l.10 et adhuc tam ultra Ligera quam et citra Ligera vel ubi et ubique in regno nostro Deo propitio ȩcclesia Parisiaca possessio esse videtur, tam pro immunitatis anterioris
l.11 quondam regibus quam et per reliqua instrumenta, species cartarum ipsius ȩcclesiae Parisiaci vel undique ibidem delegatum habentur, aut adhuc in Dei nomine a Deo timentes
l.12 hominibus additum vel conlatum fuerit, per nostram preceptionem plenius confirmamus et integra immunitate a novo perpetualiter concedimus, ut quicquid fiscus noster
l.13 de qualibet modo de omnes liberos homines, qui super terram ipsius [ȩcclesiȩ Parisiacȩ commanere] noscuntur, tam de caput quam et de omnes redibutiones quaslibet, absque
l.14 ullius judicis introitu aut repetitione ipsa ȩcclesia Parisiaca habeat [perenne conc]essum. Precipientes enim jubemus, ut neque vos, neque juniores, neque succes-
l.15-sores vestri, nec ullus quislibet ex judiciaria potestate accinctus, vel per quocumque modo nullisque ingeniis in curtis, vel in territoriis, in insulis positis, vel in aliis
l.16 locis quod presenti tempore habere vel possidere videntur, aut quod inantea a Deo timentes hominibus ibidem additum vel conlatum fuerit, nec ad causas audiendum,
l.17 nec freda exigenda, nec districtiones faciendas, nec ullas paratas requirendas, nec ullum teloneum, de omnias causas exactando, nec rotaticum,
l.18 nec foraticum, nec pulveraticum prendere, nec exigere, nec facere ullatenus presumatis, et pretermissas vestras repetitiones, quasi aut a vestris
l.19 temporibus aut successorum regum quasi ibidem fuissent consuetudo ingrediendi supra terram sanctȩ Mariȩ, ab hodierna die calcatas fiant. Igitur cognoscat
l.20 omnium secutura posteritas presulumque nobis succedentium pia paternitas, quia petierunt a nostra exiguitate fratres nostri sanctȩ matris ȩcclesiȩ cui miserante Deo [deser]-
l.21-vimus, quorum nos petitioni assensum prebentes in ȩcclesia, que est in honore sancti Stephani protomartyris, coram ipso sacrosancto altari, in presentia [venerabi]-
l.22-lium episcoporum concedimus : Ebboni videlicet archiepiscopi, Aldrici [episcopi, Rainoardi] episcopi, Rantgarii episcopi, Lantdramni episcopi, Jonȩ episcopi, [Jessȩ episcopi],
l.23 Rothadi episcopi, Adelelmi episcopi, Hildemanni episcopi, G[odefredi episcopi, Fre]culfi episcopi, Vuiladi episcopi, Theodiseli episcopi, Am[athei episcopi],
l.24 Alitgarii episcopi, Franconis episcopi, Bernoyni episcopi, Ariboldi [episcopi, Elie] episcopi, item Jonae episcopi, Hugberti episcopi, Fulcarii episcopi, Ermenberti
l.25 episcopi. Si quis vero, quod absit, contra hoc nostrae auctoritatis edi[ctum v]el concessum insurgere temptaverit, in Dei omnipotentis in-
l.26-currat maledictionem et artatus atque constrictus [igneis ca]thenis profundi inferni, percussione sanctae Dei genitricis
l.27 Mariae et omnium sanctorum horumque episcoporum sit anathe[matiza]tus, atque divina ultione perfossus, a[nimum exspiret]
l.28 vindicationis lepre laniatus.
l.29 SIGNUM KAROLI [monogramme] REGIS GLORIOSISSIMI.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 7, Instr, col. 10.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 34-36, n° 27.

MÜHLBACHER (E.), Die Urkunden Pippins, Karlmanns und Karls des Grossen, Hanovre, 1906 (MGH Diplomata Karolinorum, 1), p. 258-259, n° 193.