Otbert, évêque de Liège, autorise la circulation des monnaies frappées à Wessem (Limbourg hollandais).

l.1 IN NOMINE SANCTȨ ET INDIVIDUȨ TRINITATIS. Notum sit omnibus fidelibus tam futuris quam presentibus
l.2 qualiter ego Otbertus Leodiensis episcopus monetam in Wesheim quorumdam inutili acquiescens consilio in episcopatu
l.3 meo nusquam recipiendam preceperim. Unde domni et venerabilis Herimanni ecclesiȩ Sancti Pantaleonis abbatis crebris
l.4 pulsatus querimoniis, et ex domni Brunonis Coloniensis archiepiscopi qui prefatam curtem hereditario jure ad se pertinentem
l.5 ecclesiȩ Beati Pantaleonis cum omnibus appenditiis, theloneo, moneta, piscatione, portu, contradidit, ex ejus inquam prefati
l.6 archiepiscopi conscripto, et ecclesiȩ prefatȩ relicto testamento verum recognoscens, tanti patris auctoritati et contraditioni
l.7 obviare timui, et ecclesiȩ Beati Pantaleonis quȩ sua erant restituens, prefatam monetam legitimam et recipiendam constitui.
l.8 Quod ne quis successorum nostrorum postmodum valeat vel velit infringere, cartam hanc super his precepi fieri, quam
l.9 et sigilli mei impressione signavi, et banni mei auctoritate roboravi et confirmavi. Affuerunt testes idonei
l.10 quorum habentur subscripta nomina, Fredericus prepositus, Heinricus decanus, Andreas archidiaconus, Alexander archidiaconus,
l.11 Steppo archidiaconus, abbas de Sancto Laurentio Herebrandus, abbas de Sancto Jacobo Olbertus, Liezelinus prepositus, Nicolaus prepositus.
l.12 De familia Sancti Lamberti Wedericus, Teodericus, Warnerus, Otbertus, Giezo, Ulricus, Johannes, Anelinus,
l.13 Heinricus villicus. Acta sunt hec anno dominicȩ incarnationis MCXVIII, indictione XI, regnante Heinrico
l.14 quinto rege. [sceau].

1

PINCHART (Alexandre), Documents numismatiques, in Revue de numismatique belge, t. 4 (1860), p. 359-364, p. 361-362.

BORMANS (S.) et SCHOOLMEESTERS (E.), Cartulaire de l'église Saint-Lambert de Liège, t. 1, Bruxelles, 1913, p. 55, n° 34.

STIENNON (J.), L'écriture diplomatique dans le diocèse de Liège du XIe au milieu du XIIIe siècle. Reflet d’une civilisation, Paris, 1960, p. 168, pl. 164 (fac-similé partiel).