Les abbayes de Redon et de Marmoutier concluent un accord au sujet de l'église Saint-Sauveur de Béré, en présence de Gérard, évêque d'Angoulême. Le prieuré de Béré est restitué à Marmoutier, en échange de l'île d'Her, dépendance du prieuré de Donge.

l.1 Quoniam apostolica sententia instruimur servos Dei non oportere litigare, qui unanimes in domo Dei habitare cupientes et cȩleste gaudium eodem
l.2 tramite student procedere, sanctȩ caritati in quantum possumus adherentes, discordia illa quȩ, instigante diabolo, inter Majoris Monasterii monachos
l.3 et Rothonenses de aecclesia Beriacensi diu est habita, qua ratione sit sedata, successorum nostrorum notitiȩ tradere disposuimus. Cum enim utriusque aecclesiae
l.4 monachi jus proprium in aecclesia Beriacensi diversis ex causis se habere perhiberent, tandem ducti spiritu mansuetudinis et gratiȩ, ad hanc concordiam se venisse
l.5 gavisi sunt. Tempore quo sanctȩ Romane aecclesiae legatus, Engolismensis videlicet episcopus nomine Gerardus, ad partes Britannicas causa celebrandi concilii jussione
l.6 apostolica est destinatus, et apud Nannetum cum cȩteris coepiscopis, pro eodem concilio celebrando congregatus, coram eodem legato, praesentibus episcopis Venetensi et Aletensi
l.7 atque collaudantibus, domnus abbas Majoris Monasterii cum eruditioribus aecclesiae suȩ filiis, pro pace conservanda et praedictȩ aecclesiae Beriacensis calumnia ad-
l.8-quietanda, terram quandam obedientiae Dongiensi pertinentem, quae Insula Areae dicitur, sicut tenuerant, solutam et quietam monachis Rotonensibus perpetualiter
l.9 habendam concesserunt, et capellam quandam sacerdotalem viginti libris comparatam, eis pro testimonio contulerunt. Abbas autem Herveus nomine monachique sui
l.10 praesentes, quorum nomina subscripta sunt, calumniam illam guerpiverunt et sepedictam aecclesiam Majoris Monasterii in perpetuum habere concesserunt. Post hanc vero concordiam
l.11 apud Nannetum factam, abbas Majoris Monasterii quosdam de fratribus, Guarinum de Lanrigan, Hamelinum de Beriaco, Milonem de Castello Joscelini,
l.12 ad capitulum Rotonense transmisit ; ibique res, sicut antea facta fuerat, est corroborata, coram Roberto de Arbella et Graphione heremita, et ut in futurum
l.13 servaretur, a fratribus ejusdem capituli concessa, atque in capitulo Majoris Monasterii, praesentibus quibusdam Rotonensis aecclesiae fratribus, ipso scilicet domno abbate
l.14 Herveo, et Moyse Calvo, Goscelino converso, atque Herveo Bulgro,
l.15 qui ad hoc audiendum missi fuerant, affirmata. Sane si quis in posterum terram illam que monachis Rotonensibus est concessa, calumniatus fuerit,
l.16 monachi Majoris Monasterii pro posse suo, justicia dictante, sine datione peccuniȩ, eis eam adquietabunt, et in aliis necessitatibus, si necesse
l.17 fuerit, eos sicut fratres adjuvabunt. Porro nec monachi Majoris Monasterii intercipient res Rothonensium monachorum, nec Rothonenses res Majori Monasterio pertinentes. Quod tamen si fieri forte contigerit per eorum vel negligentiam vel ignorantiam, illi quorum res fuerint interceptȩ proclamationem facient in capitulum alterorum, et interceptores quȩ interceperint aut plane dimittent, aut si plane noluerint, tenebunt eis judicium super hac re loco competenti sicut fratribus et amicis. Huic concordiȩ et paci interfuerunt praedictus legatus Gerardus episcopus, Judicalis Aletensis episcopus, Morvanus Venetensis episcopus,
l.18 abbas Majoris Monasterii Guillelmus, cum monachis suis, Guillelmo priore, Guarino de Lanrigan, Petro bajulo, Rivallono secretario, Evano
l.19 secretario, Hamelino de Beriaco priore, Gilone, Guillelmo de Paciaco, Johanne Venetensi, Lamberto Dongiensi priore, Matfredo, Milone de
l.20 Caste Castello Goscelini, Radulfo priore de Castello Goscelini ; de Rotonensibus : abbas Herveus cum monachis suis, Urvodio priore,
l.21 Moyse Calvo, Gaulterio Parvo, Roberto olim abbate, Ulrico, Budico, Ogerio, Daniele heremita, Gaulterio Pintardo, Tangico abbate
l.22 de Calmo, Eudone, Hugolino Pagano ; de clericis et laicis : Franciscus archidiaconus Venetensis, Rivallonus archidiaconus
l.23 Aletensis, Rotaldus filius Normanni, Guihu de Castello Brientii ; de famulis Majoris Monasterii : Petrus Burdo, Adanus, Herveus nauta,
l.24 Robertus Rossellus, Joscelinus nauta.
l.25 Continuate invenies in cyrographo.

1