Pascal II, pape, à la requête de l'abbé Joceran, confirme au monastère Saint-Gervais de Fos ses possessions, moyennant un cens annuel de six pièces d'argent.

l.1 PASCHALIS, EPISCOPUS, SERVUS SERVORUM DEI, DILECTO FILIO JOZZERANNO, ABBATI VENERABILIS MONASTERII SANCTORUM GERVASII ET PROTASII, QUOD SITUM EST IN ARELATENSI PROVINCIA SECUS OPPIDUM
l.2 FOSSAS EJUSQUE SUCCESSORIBUS REGULARITER SUBSTITUENDIS IN PERPETUUM. Apostolicȩ sedis auctoritate debitoque compellimur pro universarum ȩcclesiarum statu satagere et earum maxime que eidem specialius adhe-
l.3-rent ac tamquam jure proprio subjecte sunt, quieti auxiliante Domino providere. Ea propter petitionibus tuis, fili in Christo karissime, non inmerito annuendum censuimus ut beatorum martirum Gervasii et Protasii mo-
l.4-nasterium, cui Deo auctore presides, juxta exemplar felicis memoriȩ SERGII pape apostolicȩ sedis privilegio muniremus. Per presentis igitur privilegii paginam apostolica auctoritate statuimus, ut que-
l.5-cumque possessiones ad idem cenobium in presenti tertia indictione legaliter pertinere noscuntur, sive in futurum concessione pontificum, liberalitate principum, vel oblatione fidelium, vel aliis justis modis
l.6 poterit adipisci, firma tibi tuis successoribus et illibata permaneant. In quibus hec propriis visa sunt exprimenda vocabulis, videlicet ȩcclesias de castello Ereas cum decimis et oblationibus
l.7 per episcopos concessis, cella Sanctȩ Mariȩ de Plano, cella Sancti Gervasii, Sanctȩ Mariȩ Almanarre, Sanctȩ Eulaliȩ, Sancti Nykolai, Sancti Vincentii, Sancti Salvatoris ; in episcopatu Forojuliensi ȩcclesia
l.8 Sancti Stephani de castro Duplo, Sancti Mitrii de monte Ferrario, Sancti Victoris, Sancti Vincentii in castro quod dicitur Trani, Sanctȩ Mariȩ de Flajosco ; in episcopatu Massiliensi ȩcclesia Sanctȩ Mariȩ, Sancti Vincentii ; in
l.9 episcopatu Arelatensi ȩcclesia Sancti Mitrii, Sancti Vincentii, Sancti Petri, Sanctȩ Trinitatis, et Sancti Juliani, et Sanctȩ Ceciliȩ ; in episcopatu Cabilonensi ȩcclesia Sancti Gervasii ; in episcopatu Atensi ȩcclesia Sancti Marcel-
l.10-lini ; item in episcopatu Forojuliensi ȩcclesia Sancti Martini de Blancaforte, cum omnibus ad ipsas ȩcclesias pertinentibus. Decernimus ergo ut nulli omnino hominum liceat idem cenobium temere per-
l.11-turbare aut ejus possessiones auferre, vel ablatas retinere, minuere, vel temerariis vexationibus fatigare, set omnia integra conserventur eorum pro quorum sustentatione et gu-
l.12-bernatione concessa sunt usibus omnimodis profutura. Missas sane publicas in eodem monasterio per episcopum fieri, vel stationes celebrari preter abbatis ac fratrum voluntatem omnimodis proibemus
l.13 ne in servorum Dei recessibus popularibus occasio prebeatur ulla conventibus. Hoc quoque presenti decreto subjungimus ut ipsum monasterium et ejus monachi ab omni secularis servitii
l.14 sint infestatione securi omnique gravamine mundane oppressionis remoti quatinus in sanctȩ religionis observatione seduli et quieti permaneant, nulli alii nisi Romane et
l.15 apostolice sedi, cujus juris est, aliqua teneantur occasione subjecti. Ad indicium autem percepte a Romana ȩcclesia libertatis sex nummos argenteos quotannis Lateranensi palatio
l.16 persolvetis. Si quis igitur in crastinum archiepiscopus, aut episcopus, imperator, aut rex, princeps, aut dux, comes, vicecomes, judex aut ȩcclesiastica quelibet secularisve persona hanc nostre con-
l.17-stitutionis paginam sciens contra eam temere venire temptaverit, secundo tertiove commonita, si non satisfactione congrua emendaverit, potestatis honorisque sui dignitate careat, reamque
l.18 se divino judicio existere de perpetrata iniquitate cognoscat, et a sacratissimo corpore ac sanguine Dei et domini redemptoris nostri Jhesu Christi aliena fiat, atque in extremo examine districtȩ
l.19 ultioni subjaceat. Cunctis autem eidem loco justa servantibus sit pax domini nostri Jhesu Christi, quatinus et hic fructum bone actionis percipiant et aput districtum judicem premia eternȩ
l.20 pacis inveniant. AMEN. AMEN. Scriptum per manum JOHANNIS scriniarii, regionarii, ac notarii sacri palatii.
l.21 [rota]. Ego Paschalis catholicȩ ecclesiȩ episcopus s[ubscripsi] [benevalete].
l.22 Datum Romȩ in porticu beati Petri, per manum Johannis sanctȩ Romane ecclesiȩ diaconi cardinalis ac bibliothecarii, V kalendas maii, indictione IIIa, incarnationis dominicȩ anno MoCoXo, pontificatus autem domni Paschalis secundi papȩ anno XIo.

1

JAFFE-LOEWENFELD, n° 6267.

WIEDERHOLD (Wilhelm), Papsturkunden in Frankreich, 4. Provence mit Venaissin, Uzegeois, Alais, Nemosez und Nizza, Berlin, 1907 (Nachrichten der königlichen Gesellschaft der Wissenschaften zu Göttingen. Beiheft, 4), p. 65-67, n° 9.