Henri V, roi, restitue à l'abbaye Saint-Maximin de Trèves des biens usurpés à Metz et aux alentours (à Lessenich, Lausdorn et Eschbach).

l.1 [chrisme] IN NOMINE SANCTȨ ET INDIVIDUȨ TRINITATIS, HEINRICUS, DIVINA FAVENTE CLEMENTIA QUINTUS ROMANORUM REX.
l.2 Si locis divino cultui mancipatis, quibus beneficia non conferimus, saltem ab aliis Christi fidelibus quondam tradita et postmodum per violentiam malignorum
l.3 hominum injuste subtracta restituerimus, divinitus nos procul dubio remunerari confidimus. Quapropter fidelium nostrorum
l.4 tam presentium scilicet quam futurorum magnitudo comperiat, qualiter nos ob amorem Dei et ob interventum fidelium nostrorum,
l.5 domni videlicet BRUNONIS Trevirensis archiepiscopi et BURCHARDI Mon[aste]riensis, ADALBERONIS Metensis, OTTONIS Babenbergensis, EBERHAR-
l.6-DI Eihstatensis, BRUNONIS Spirensis, venerabilium episcoporum, WILLIHELMI comitis, BERHDOLFI ducis, GODEFRIDI, HERIMANNI,
l.7 WIGBERDI. FRIDERICI comitum, aliorumque fidelium nostrorum, et ob crebram et importunam BERNGOZI abbatis querimoniam reddidimus cȩnobitis Sancti JOHAN-
l.8-NIS EWANGELISTE sanctique MAXIMINI, qui in suburbio Trevirorum corporaliter quiescit, quicquid in civitate Metensi vel circumcirca infra vel extra, sive in curte
l.9 quȩ vocatur Wilere, in domibus et areolis, agris et vineis, sive in ȩcclesia quȩ vocatur LUZELENKIRCHA quidam HESSI et Adelberdus serviens Metensis
l.10 episcopi hactenus injuste possederant, necnon quod Willihelmus quidam de Scura in LIUTARDESDARRA jam per duos annos injuste
l.11 sibi aduncaverat, sive quod ultra Renum fluvium in loco qui vocatur ASCABAH GERHARDUS quidam frater Heinrici comitis diu jam injuste sibi usurpaverat.
l.12 Haec igitur omnia prefato abbati suisque fratribus propter amorem Dei tali modo et ea conditione reddimus, firmamus et in ȩternum Deo auctore stabilimus,
l.13 ut nullus successorum nostrorum regum vel imperatorum, nullus abbas, nullus comes, nulla persona magna vel parva, de prefatis rebus alicui quicquam
l.14 beneficiare presumat, sed liceat jamdicto abbati suisque successoribus inde ulterius agere, quod ad utilitatem ipsius monasterii ac fratrum utilius videatur. Et ut hȩc nostrȩ
l.15 auctoritatis preceptio pleniorem in Dei nomine habeat firmitatem, cartam hanc inde conscribi et ut infra apparet, sigilli nostri impressione jussimus insigniri.
l.16 SIGNUM DOMNI HEINRICI QUINTI [monogramme] ROMANORUM REGIS INVICTISSIMI [sceau].
l.17 ADALBERDUS CANCELLARIUS VICE RUOTHARDI ARCHICANCELLARII RECOGNOVI.
l.18 Data VIII kalendas junii anno incarnationis Domini ICVIIo, indictione XV, anno regni domni HEINRICI quinti regis VIIIIo. Actum in Metis civitate. In Dei nomine. Amen.

1