Otton I^er, empereur, rend aux moines de Saint-Maximin de Trèves la villa Valles qui, donnée par le roi Dagobert, leur avait été enlevée depuis longtemps.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA FAVENTE CLEMENTIA IMPERATOR AUGUSTUS. NOVERIT OMNIUM FIDELIUM NOSTRORUM TAM PRȨSENTIUM
l.2 quam futurorum industria, qualiter nos interventu dilecte conjugis nostrae Adalheidis fidelisque archiepiscopi nostri Vuillihelmi pro statu et incolomitate regni vel imperii nostri filiique nostri carissimi Ottonis quandam villam de proprietate almi
l.3 confessoris Christi Maximini in comitatu vel suburbio Trevirorum sitam, ad Valles nominatam quam antecessor noster divȩ memoriȩ Dagobertus rex Francorum prȩlibato confessori Christi pro suȩ animȩ absolutione,
l.4 uti singulis kalendis pro eo vigiliȩ agerentur monachique Deo sanctoque Maximino famulantes in eisdem kalendis inde pascerentur, sed et ȩstivo tempore post meridianam quietem ob ejus memoriam inde vini
l.5 vel potus clementia reficerentur, regali munificentia obtulit, multis retro temporibus ab antecessoribus nostris in beneficium datam monachis Deo sanctoque Maximino famulantibus in coenobio quod in suburbio Trevirorum
l.6 situm est, ex toto et integro imperiali benivolentia concedimus et remittimus. Et ut calices aquȩ quos hactenus ob paupertatem aestivo tempore pro calicibus vini quos Dagobertus rex instituit, accipiebant,
l.7 in antiquum et pristinum statum redeant et mutentur, volumus et firmiter jubemus, ita sane nostra regia vel imperatoria auctoritate jubentes, ut prȩnominata villa cum omni integritate,
l.8 sicuti a prȩdicto rege Dagoberto sancto confessori Christi Maximino oblata est, monachis prȩlibati coenobii perpetualiter deserviat nullusque successorum nostrorum eam hinc auferre vel in beneficium dare
l.9 prȩsumat, ut nobis in regni negociis occupatis monachos eo devotius pro nostra salute Deum exorare delectet. Et ut hoc auctoritatis nostrȩ prȩceptum firmum et stabile permaneat, cartam hanc conscribi
l.10 et anuli nostri impressione signari jussimus, quam et propria manu subtus firmavimus.
l.11 SIGNUM DOMINI OTTONIS [monogramme] MAGNI ET INVICTISSIMI IMPERATORIS AUGUSTI.
l.12 LIUDOLFUS CANCELLARIUS AD VICEM VUILLIHELMI ARCHICAPPELLANI RECOGNOVI (SIG.) [ruche].
l.13 Data VII idus januarii, anno dominicȩ incarnationis DCCCCLXVI, indictione VIIII, anno regni domni Ottonis XXXI, imperii vero IIII. Actum Coloniȩ. In Dei nomine, feliciter. Amen.

1