Otton II, roi, confirme les droits et les devoirs de l'avoué, déjà réglementés à Ingelheim, sur les possessions de l'abbaye Saint-Maximin de Trèves à Schwerbach.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA ANNUENTE CLEMENTIA REX. NOTUM SIT OMNIBUS
l.2 Christi fidelibus praesentibus et futuris, qualiter Uuikerus abbas monasterii sancti Maximini nostram humiliter adierit clementiam, postulans ut familiam praedicti
l.3 confessoris Christi Maximini de Suegerbahc a miseriis et oppressionibus quas ab advocatis patiebantur, absolveremus et justitiam quam patres eorum
l.4 habuerant, illis nostra regali auctoritate corroboraremus. Cujus piae petitioni assensum praebuimus et ut justitiam suam secundum jura antecessorum suorum
l.5 sacramento confirmarent, jussimus, quod ab eis ita in nostra praesentia juratum firmum et stabile per futura tempora decernimus, scilicet ut advocatus quem ipsi
l.6 petierint, duo placita in anno teneat et quicquid ibi palam vel secreto acquisierit, duae partes ad altare sancti Maximini, tertia advocato cedat.
l.7 Ad unum vero placitum villicus advocato pro servitio dabit triginta denarios aut servitium quod valeat XXX denarios, ad secundum quoque placitum
l.8 tantum servitii dabit illi quantum ad primum et non plus. Insuper toto anno quicquid advocatus in familia vel petendo vel in hoc quod extra-
l.9-neas uxores duxerint, aut in alia qualibet causa placitando acquisierit, duae partes altaris, tertia advocati erit; familia autem per annum
l.10 advocato dabit unusquisque eorum unum manipulum et unum denarium. Si in placito advocati culpabilis inventus fuerit aliquis de
l.11 ipsa familia, non plus quam quinque solidos solvet; qui vero omnino pauper est, unum tantum solidum et non plus dabit. Ipsos vero homines
l.12 de Suegerbahc et omnes qui ad altare sancti Maximini censum debent solvere, nullus umquam abbas audebit vel poterit ulla ratione cuiquam
l.13 in beneficium prestare. Et ut hoc auctoritatis nostrae praeceptum firmum et stabile permaneat, cartam hanc inde conscribi et sigilli
l.14 nostri impressione jussimus signari.
l.15 SIGNUM DOMNI OTTONIS [monogramme] INVICTISSIMI REGIS.
l.16 LUDOLFUS CANCELLARIUS AD VICEM VUILLEHELMI ARCHICAPPELLANI RECOGNOVI.
l.17 Data XII kalendas augusti dominicȩ incarnationis DCCCCLXIII, indictione VI, anno regni serenissimi regis Ottonis III. Actum Ingelinheim. Feliciter. Amen.

2