Otton I^er, roi, garantit à l'abbaye Saint-Maximin de Trèves l'indépendance sous un abbé librement élu, et la place avec ses possessions sous la protection royale.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA FAVENTE CLEMENTIA REX. NOVERINT OMNES NOSTRI FIDELES TAM PRESENTES QUAM ETIAM ET FUTURI, QUALITER HUOGO VENERABILIS ABBA ET RELIQUI FRATRES EX COENOBIO SANCTISSIMI MAXIMINI DIGNA
l.2 et venerabili religione insigniti nostram adierunt clementiam, germani nostri videlicet et Heinrici fulti interventionis presidio necnon et Chuonradi nostri comitis, quatenus nostrae clementiae decretum juxta predecessorum regum morem in predicto
l.3 coenobio consentiremus illis quietem, secundum quod illorum religio et vita praetendebat quae diu ab anterioribus posthabita, sed auctore Deo tempore nostri genitoris, scilicet Heinrici serenissimi
l.4 regis, relevata. Ipsius amore et memoria succensi, quo finetenus servetur, juxta deliberacionis voluntatem fideliumque nostrorum consilium et petitionem dedimus assensum,
l.5 hoc est ut ipsi fratres predicto degentes loco tanta religione dedito a nulla umquam vim dominationis patiantur persona, sed neque ullius
l.6 premantur ordinationis potestate vel famulatus absque voluntate electi abbatis, qui a reliqua promoveatur ejusdem coenobii congregatione secundum sancti
l.7 Benedicti regulam, quando dominus ut voluerit predecessorum discreverit tempora, utque in nostro et successorum nostrorum regum maneant mundiburdio, quatenus
l.8 illorum quietudo nostro defendatur imperiali sceptro. Res quoque prediorum loci dispositi quae ubinam nostro versantur in regno, simili potiantur libertatis potestate, hoc est
l.9 in territorio Treverensi et loco dicto Ambilaco et Taberna et quicquid ibi aspicit et quicquid in pago Blesensi visus est sanctus Maximinus habere et in pago Salnense et quicquid infra civitatem Mettis
l.10 et in suburbio illius, Bessich, Everlinga, Merisc, Gozzeltinga, Hehchichesdorf, Vuimareskiricha, Marketiht, et quicquid in pago Betense, villas Camnis, Decima, Budmaga, Luavia, Guntireshuson, Rivenahha, et quicquid
l.11 ultra Hrenum ipse beatissimus visus est habere, cellam etiam quae Appola dicitur et quicquid ad ipsam aspicit ; annectimus etiam confirmationis causa et ȩcclesiam quae est in villa Tedonis nostri palatii cum duobus mansis
l.12 quam noster genitor ob recordationem suae memoriae prefato contulerat loco. Utque nostrae recordatio memoriae in reliquum et per omne tempus inibi habeatur, et successores nostros precando monemus
l.13 ut quae statuimus ob honorem Dei et beati Maximini confirmant, et hoc testamentum conscriptionis fieri jussimus nostrique impressione anuli roboratum tradidimus.
l.14 SIGNUM DOMNI OTTONIS [monogramme] INVICTISSIMI REGIS.
l.15 POPPO CANCELLARIUS AD VICEM RUODBERTI ARCHICANCELLARII SUBNOTAVI ET [ruche_notes_tironiennes] [sceau].
l.16 Data III nonas junii anno incarnationis Domini DCCCCXL, indictione XIII, anno autem regni Ottonis piissimi regis IIII. Actum Mogoncia. In Dei nomine. AMEN.