Gerbaldus donne sous réserve d'usufruit à l'abbaye de Cluny des biens situés dans le pagus de Chalon.

l.1 Divina pietate legumque auctoritate sanctitum est ut, si quis de reditibus suis aliquid in helemosina Deo et sanctis ejus conferre voluerit, liberam habeat potestatem consequenter implere.
l.2 Quapropter ego, in Dei nomine, Gerbaldus, considerans illud evangelicum : Date et dabitur vobis, simulque pertimescens purpurati divitis detrimentum, qui, pro micis panis quas ulceroso Lazaro
l.3 negavit, stillam aque in inferno ardens desideravit, dono atque trado possessionem vel res juris mei quae michi hereditaria conditione a progenitoribus propriis provenerunt, Deo et sanctis apostolis ejus
l.4 Petro et Paulo in Cluniense monasterio perpetuo permansuras. Quod videlicet monasterium, jussu ac supplemento piissimi bonae memoriae
l.5 Vuillelmi senioris comitis, decenter in honore ipsorum apostolorum, sub providentia Bernonis venerabilis abbatis construitur. Quae scilicet res sunt sitae in pago Cavillonense, in vicaria Lovincense, et in locis his nominibus : in villa
l.6 Brilanga coloniae duae, in villa vero Mimiliaco coloniae tres, in Maalmonte colonia una, in Culecis colonia ȩque una, in Curcellis colonia una. Fiunt vero in summa, excepto
l.7 curtile indominicato, coloniae vestitae octo, et molendinum unum structum, necnon et mancipia his nominibus : Otulgarium cum uxore sua et infante uno, Teotlandum cum uxore sua et infantibus
l.8 duobus, Dominicam cum infantibus tribus, Aldam cum infantibus duobus, qui fiunt in summa XIIII. Dono itaque, ut jamdictum est, ad ipsum monasterium omnes res proprietatis meae quas in supradictis
l.9 locis ad presens visus habere, cum terris cultis et incultis, cum vineis, pratis, silvis, aquis aquarumve decursibus, insuper cum omnibus adjacentibus quae ad ipsa loca pertinent, trado atque transfun-
l.10-do, pro Dei primitus amore ac sanctorum ejus, et deinceps pro remedio animae senioris mei Vuillelmi defuncti, necnon et pro salute nepotis ejus adhuc viventis aeque Vuillelmi senioris mei, ac postea
l.11 pro remedio animae patris et matris meae, Pharonis videlicet atque Rutrudis, omniumque parentum vel affinium meorum, ac deinde nihilominus pro salute et remedio animae meae, insuper etiam
l.12 in helemosinam omnium fidelium catholicorum tam vivorum quamque defunctorum, ut omnibus in commune proficiat. Ea dumtaxat ratione ista fatio ego Girbaldus, ut quamdiu advixero usu fructuario ipsas res
l.13 possideam, sic tamen ut singulis annis, festivitate omnium sanctorum, modium de tritico et modium de vino pro benedictione et mei memoria ab ipsis monachis habendis mittam ex prefatis rebus ad supra-
l.14-dictum Cluniensem monasterium, et ad ipsos servos Dei ibidem consistentes. Post meum vero discessum, ad ipsum monasterium revertantur. Ita ut ab hora mortis meae et deinceps monachi
l.15 ejusdem monasterii Deo servientes, absque alicujus contradictione, ipsas res perpetualiter habeant, teneant atque legaliter possideant. Placuit etiam hoc huic inseri testamento, quod nulli homini liceat
l.16 de his rebus aliquid distrahere vel procamiare aut alicui beneficiare, sed integrae perseverent. Obsecro nihilominus supliciter omnes quicumque hanc cartam legere vel audire potuerint, ut si necesse
l.17 pro Dei amore et sanctorum ejus Petri et Pauli sint tutores ac defensores harum servorum Dei rerum. Si quis vero, quod absit et quod evenire non estimo, vel ex propinquis aut extraneis, vel ex qualibet
l.18 conditione sive potestate, aliquam calumniam contra hoc testamentum inferre temptaverit, primum quidem iram Dei omnipotentis incurrat, auferatque Deus partem illius de terra viventium, et deleat
l.19 nomen ejus de libro vitae ; nisi cito resipuerit, fiatque pars illius cum his qui dixerunt domino Deo : Recede a nobis, et cum Dathan et Abiran quos terra aperto ore deglutivit et infernus vivos absorbuit,
l.20 et perennem incurrat damnationem. Secundum mundialem vero legem his quibus intulerit calumniam viginti auri libras, cogente juditiaria potestate, conpulsus exsolvat, et congressio illius frus-
l.21-trata nullum omnino obtineat effectum. Sed hujus firmitas testamenti omni auctoritate suffulta semper inviolata ac inconcussa permaneat, cum stipulatione subnixa. Actum in Cluniense monasterio.
l.22 [chrisme] Signum Gerbaldi qui hanc cartam et auctoritatem fieri et firmare rogavit. [colonne1] [chrisme] ANSCHERICUS HUMILIS ARCHIPRESUL HANC DONATIONEM RELEGIT ET SUBSCRIPSIT [ruche]. [chrisme] GERALDUS PECCATOR ET HUMILIS SANCTE MATISCONENSIS ECCLESIE EPISCOPUS [subscripsit]. [colonne2] [chrisme] GUILLELMI COMITIS ET MARCHIONIS SIGNUM [subscripsit]. Signum Ragemberti. Signum Arleboldi. Signum Gislardi. Signum item Gislardi. Signum Bernardi. Signum Gunduldrici. Signum Evrardi. Signum item Evrardi. Signum Rocconis.
l.23 [signum] Ego Abbo rogatus datavi
l.24 mense maii die sabbati, anno IIIIto regnante Radulfo rege.

1