Charles le Gros, empereur, renouvelle à l'abbaye Saint-Maximin de Trèves sa protection et le droit d'élection de l'abbé ; il concède un vivier sous le pont de Trèves.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, DIVINA FAVENTE CLEMENTIA IMPERATOR AUGUSTUS. OPORTET IGITUR NOS, QUI DIVINA PIETATE CȨTERIS MORTALIBUS PRELATI SUMUS, CIRCA MONASTERIORUM
l.2 reverentium augustali cura vigilare, ut destructa quaeque monasteria et a propriis incuria deviata privilegiis nostris studiis, ubicumque poterimus, ad pristinum statum reformentur. Quapropter
l.3 noverit omnium fidelium nostrorum praesentium scilicet et futurorum industria, quia quoddam monasterium Beati Maximini per diversas distributum personas a propria electione injuste et ultra
l.4 statuta antecessorum nostrorum inrationabiliter propriis privilegiis frustratum et ab electione penitus dejectum esse didicimus. Ideoque nos imperiali auctoritate hoc idem monasterium propriis privilegiis
l.5 restituimus et electionem fratribus regulari professione in eodem monasterio coronatis perpetuali conditione concessimus. Et jussimus hoc nostrae auctoritatis praeceptum inde conscribi, per quod decernimus atque jubemus,
l.6 ut deinceps hoc idem monasterium sub nostra defensione salvum subsistat nullusque habeat potestatem aliquam eis inrationabilem inferre molestiam, sed liceat fratribus ibidem Domino famulantibus sub omni
l.7 quietudine pro nobis nostrisque parentibus dominum exorare. Quandocumque autem divina vocatione abbas illorum obierit et ad loca meliora transierit, habeant potestatem fratres inter se eligendi abbatem,
l.8 quamdiu Deus concesserit, ut talis inter illos repperiri possit, qui eundem locum et fratres juxta regulam beati Benedicti et professionem fratrum juste et regulariter ordinare et regere
l.9 possit. Et ut haec nostrae largitatis concessio pleniorem in Dei nomine optineat firmitatem, hoc idem praeceptum propria manu firmavimus et bullae nostrae inpressione assigniri jussimus.
l.10 Insuper vero concessimus beato Maximino quandam piscinam, quae est sub ipso ponte in civitate Treveris.
l.11 SIGNUM [monogramme] DOMNI KAROLI SERENISSIMI IMPERATORIS AUGUSTI.
l.12 INQUIRINUS NOTARIUS AD VICEM LIUTVUARDI ARCHICANCELLARII RECOGNOVIT ET [ruche].
l.13 Data kalendis octobris, anno incarnationis Domini, DCCCLXXXV, indictione III, anno vero regni domni Karoli VIIII, imperii autem V. Actum Vuarmatia civitate. In Dei nomine, feliciter. AMEN.
l.14 [sceau].

KEHR (P.), Die Urkunden Karls III., Berlin, 1937 (MGH Diplomata regum Germaniae e stirpe Karolinorum, 2), p. 212-213, n° 133.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 6, pl.1 (fac-similé).