Charles le Chauve, roi des Francs, donne à son fidèle Agibertus un manse de la villa d'Iguerande dans le Mâconnais, avec une chapelle dédiée à saint André.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. REGALIS CELSITUDINIS MORIS EST FIDELES SUOS DONIS MULTIPLICIBUS ET HONORIBUS INGENTIBUS HONORARE ATQUE SUBLIMARE.
l.2 Proinde morem parentum regum videlicet praedecessorum nostrorum sequentes, libuit celsitudini nostrae, quendam fidelem nostrum Acbertum nomine, de quibusdam rebus nostrae propriaetatis honorare, atque in ejus juris potestatem liberalitatis nostrae gratia conferre.
l.3 Idcirco noverit experientia atque industria omnium fidelium nostrorum, tam praesentium quam et futurorum, quia concedimus eidem fideli nostro Acberto ad proprium quasdam res juris nostri, sitas in pago Madasconense in villa Hiuranda mansum unum
l.4 cum capella in honore sancti Andreae. Memoratum mansum cum omni integritate vel suis omnibus appendiciis, cum domibus, aedificiis, mancipiis, terris, vineis, pratis, silvis, aquis, aquarumve decursibus,
l.5 vel etiam quantumcumque ad supradictum mansum juste et legaliter pertinere videtur, praedicto fideli nostro Acberto per hanc nostrae auctoritatis conscriptionem concedimus, et de nostro jure in jus ac potestatem illius
l.6 sollemni donatione transferimus, ita videlicet ut quicquid ab hodierno die et tempore exinde pro sua utilitate atque commoditate jure propriaetario facere decreverit, liberam
l.7 et firmissimam in omnibus habeat potestatem faciendi, tam donandi, quam vendendi seu commutandi, necnon etiam heredibus relinquendi. Et ut haec nostrae largitionis atque donationis
l.8 auctoritas perpetuam obtineat firmitatem, manu nostra subter firmavimus et anuli nostri inpressione signari jussimus.
l.9 SIGNUM [monogramme] KAROLI GLORIOSISSIMI REGIS.
l.10 [chrisme] JONAS DIACONUS AD VICEM HLUDOVUICI RECOGNOVI ET SUBSCRIPSI [ruche_notes_tironiennes] [Vuerinus comes impetravit] [sceau].
l.11 Data VI idus novembris, anno VII, inditione VIIII, regnante domno Karolo gloriosissimo rege. Actum Rauciaco villa. In Dei nomine, feliciter. Amen.

1

JUSSELIN (Maurice), Un diplôme original de Charles le Chauve du 8 novembre 846, in Le Moyen Age, 21 (1908), p. 14-25.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 243-245, n° 90.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 21 (fac-similé).