Louis le Pieux, empereur, donne à son fidèle vassal Adalbert la villa de Fontanas en pays toulousain.

l.1 IN NOMINE DOMINI DEI ET SALVATORIS NOSTRI JHESU CHRISTI, HLUDOVUICUS, DIVINA ORDINANTE PROVIDENTIA IMPERATOR AUGUSTUS. IMPERIALIS CELSITUDINIS MORIS SIBI BENE SERVIEN-
l.2-tibus beneficia oportuna largiri, quorum fidelis famulatus non solum in diversa certamina, sed etiam in reipublice obsequio fideliter obtemperare cognoscitur. Unde conperiat sollertia atque
l.3 utilitas omnium fidelium nostrorum tam praesentium quam et futurorum, quia concessimus ad proprium cuidam fideli vassallo nostro Adalberto quandam villam juris nostri, quae est in pago Tolosano,
l.4 cujus vocabulum est Fontanas, cum terminis vel adjacenstiis suis ad ipsam villam pertinentibus. Et ideo hoc praeceptum auctoris nostrae praedicto fideli nostro fieri
l.5 jussimus, per quod decernimus atque jubemus, ut abhinc in futurum praefatam villam cum ecclesia, domibus, edificiis, terris, vineis, silvis, pratis, pascuis, aquis aquarumve
l.6 decursibus, cum omnibus adjacentiis teneat atque possideat suisque posteris habendam relinquat ; vel quicquid exinde jure proprietario facere, ordinare,
l.7 disponere voluerit, libero in Dei nomine potiatur arbitrio faciendi quicquid elegerit. Et ut haec auctoritas largitionis nostrae per curricula
l.8 annorum firmior et veri[or] certiusque credatur, manu propria subter eam firmavimus, et de anulo nostro adsignari jussimus [notes_tironiennes].
l.9 SIGNUM [monogramme] HLUDOVUICI SERENISSIMI IMPERATORIS.
l.10 Durandus diaconus ad vicem Teutoni recognovi et subscripsi [ruche_notes_tironiennes] [sceau].
l.11 Data IIII nonas octobris, anno Christo propitio XVIIII imperii domni Hludovuici serenissimi imperatoris, indictione VI. Actum Juvenciaco palatio regio. In Dei nomine, feliciter. Amen.

DEVIC (Cl.), VAISSETE (J.), Histoire générale de Languedoc, 15 vol., Toulouse, 1872-1892, t. 2, col. 179-180, n° 81.

BÖHMER (J. F.), MÜHLBACHER (E.), Regesta imperii. t. 1 : Die Regesten des Kaiserreichs unter den Karolingern, 751-918, Innsbruck, 1908, n° 907.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/1, pl. 17 (fac-similé).

MAGNOU-NORTIER (Elisabeth), MAGNOU (Anne-Marie), Recueil des chartes de l'abbaye de la Grasse, 2 vol., Paris, 1996-2000 (Collection de documents inédits sur l'histoire de France, 24 et 26), t. 1, p. 18, n° 11.