Gui, chevalier d'Aiguilly, et Sigaldus, son parent, donnent à l'abbaye de Cluny l'église Saint-Sauveur de Vignoles située dans le diocèse d'Autun, avec divers droits et biens.

l.1 Quamdiu in hujus vite vivitur peregrinatione, studendum est unicuique fidelium, et maxime in seculari conversatione degentibus
l.2 ut de rebus transitoriis a Domino sibi collatis peccata sua redimere studeant, juxta illut prophete Danihelis Babilonicum
l.3 regem salubriter admonentis: Placeat, inquit, tibi, rex, consilium meum, et peccata tua helemosinis redime; quo scilicet dum bona temporalia
l.4 indigentibus misericorditer impendunt, felici commutatione a Christo aeterna recipere mereantur. Iccirco ego Guido miles de castello qui dicitur
l.5 Aculeus, cum Sigaldo nichilominus milite, consobrino meo, dono omnipotenti Deo et beatis apostolis ejus Petro et Paulo, ac Cluniacensi cenobio
l.6 cui domnus HUGO abbas preesse pariter ac prodesse videtur, pro redeptione peccatorum meorum et spe vitȩ aeternȩ, aliquit de rebus a Deo mihi collatis que mihi
l.7 hereditario obvenerunt, aecclesiam scilicet Sancti Salvatoris, que sita est in episcopatu Augustidunensi, in villa que vocatur Vineolas, cum omnibus
l.8 ad se pertinentibus, toto videlicet cimiterio, cum sepultura, omnique terra ad se pertinente, culta sive inculta, pratis etiam et silvis, seu mo-
l.9-lendinis. Dono etiam partem meam de his que cum supradicto parente meo possidere videbar, medietatem scilicet de pratis nostris propriis
l.10 cum medietate tocius corvade. Insuper concedo medietatem decime de pane et vino ad eandem aecclesiam pertinente. In villa quoque que dicitur
l.11 Chiviniacus, et in alia villula, que nuncupatur Valelias, totam decimam vini et tres partes de decima frumenti. Hec itaque omnia trado
l.12 et concedo omnipotenti Deo et sancte congregationi supradicti monasterii, pro absolutione meorum peccaminum et ut merear adipisci regna
l.13 celorum. Ceterum, si quis hoc donum mente sacrilega ausus fuerit calumpniari, iram Dei omnia inspicientis incurrat, nisi celeriter resipiscat, ac
l.14 de iniqua temeritate digna satisfactione peniteat. Facta est hec donatio sive carta anno ab incarnatione Domini millesimo XCoIIIIo, regnante Philippo Francorum rege.

1