Paris, BNF, coll. de Bourgogne t. 79 n° 158

<< < / > >>

Numéro1724

Fiabilité de l'actenon suspecté

Genrecharte

Date1093(fiabilité :édition)

LieuMetz(lat :Metis)

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditioncopie

Hauteur à gauche175   mm

Hauteur à droite170   mm

Largeur en haut325   mm

Largeur en bas335   mm

AuteurGérard, seigneur  de  THICOURT

BénéficiaireAbbaye  de  CLUNY

Regeste

Gérard, seigneur de Thicourt, donne à l'abbaye de Cluny les églises de Thicourt et Montreuil.

Fac-similé

Texte

l.1 In nomine summe et individue Trinitatis et salvatoris domini nostri Jhesu Christi et sancte Dei genitricis Marie et omnium celestium ordinum, hic et in futuro. Quicumque christiano censentur nomine, si mundi
l.2 hujus divitie quam fallaces existant, illustratione Sancti Spiritus enucleatius studuerit enodare, contemplabitur in eis sub adumbrata specie dulcedinis adsistere honus jugis amaritudinis et importabile
l.3 jugum exasperantis servitutis. Quam difficultatem patres sancti, columne in domo Dei omnipotentis absque ruga, examinantes momentaneum florem fugitivi seculi respuerunt, crucem suam, sicut ait Apostolus, gestan-
l.4-tes, ad coronam superne patrie gradibus virtutum sine ambitione seculi inhiantes conscenderunt. Si quis vero exequutor fundamenti christiane religionis, que ab apostolis Christi exordium sumpsit, predia sua ceteraque
l.5 jure possessa pauperibus Christi in vinea Domini militantibus sincere et libere tradiderit, retributionem inmarcessibilem eternam promerebitur in celis, angelorumque concivis, quia Christum elegit heredem terrenorum
l.6, sorcietur cum Christo hereditatem, potiturus pro caducis mansura, pro temporalibus ȩterna. Hanc igitur incomparabilem salutem, ego Gerardus de Thiecurt, a viris spiritualibus audiens et per gratiam Sancti Spiritus, licet mandatorum
l.7 Dei viventis transgressor, habere super omnia desiderans, trado sub certa astipulatione, et filius meus Arnulfus, venerabili cenobio Cluniacensi, in honore beati Petri et Pauli fundato, ecclesiam apud
l.8 Tihecurth consecratam in titulo sancte Trinitatis et sancte Crucis, libere absque respectu alicujus potestatis et dominationis, et croadam integram, in qua fundata est ecclesia predicta, et aliam partem ejusdem
l.9 alodii in qua consistit ecclesia, cum campis et vineis, terris, pratis, aquis aquarumque decursibus, silvis, edificiis, mancipiis, servis et ancillis et pascuis, et omnibus usibus cum ipso banno ad alodium
l.10 pertinentibus. Tradimus ȩtiam matrem ecclesiam apud Tihecurth, secundum jus nostrum, predicto Cluniacensi cenobio, et ecclesiam de Gandre et de Hache, et de Seseth. Tradimus insuper ego uxor mea Adele-
l.11-idis ecclesiam de Mosterol quod nostri est juris. Et ut hec donatio firma et stabilis permaneat, manu consequentium personarum confirmavimus. [croix] Ego Popo, gratia Dei sancte Metensis
l.12 ecclesie episcopus, confirmo et corroboro pontificali auctoritate, cum archidiaconis et aliis clericis nostris. Signum primicerii Adalberonis. Signum Adalberonis archidiaconi. Signum archidiaconi Matfridi.
l.13 Signum archidiaconi Rotcelini. Signum archidiaconi Lietardi. Signum tesaurarii Arnulfi. Quicumque hec dona violaverit, sit anathema maranatha. Tradita sunt hec ipsi Hugonis Clu-
l.14-niacensis abbatis. Testes hi sunt: Walterius frater ipsius Gerardi, Wido de Confluenti oppido, Girvoldus et Girardus, Walterius de Scalmont, Fridelardus de Tihecurth et Gerardus de
l.15 Bovenestor, Roricus de Betingia, Theodericus de Lenerivilla. Actum Metis, anno ab incarnatione Domini MoXCmoIII, indictione I, regnante rege Heinrico, duce
l.16 Theoderico in Lotharingia, comite Folmaro. Subnotata est hȩc carta per manum Andree cancellarii.

Notes

1

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 5, p. 23-25, n° 3671.

Responsable

M.-J. Gasse

Comment citer cette notice

Acte n°1724 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1724»[En ligne] http://www.cn-telma.fr/originaux/charte1724/. Date de mise à jour : 29/03/12.