Paris, BNF, coll. de Bourgogne t. 78 n° 143

<< < / > >>

Numéro1716

Fiabilité de l'actenon suspecté

Genrecharte

Date1081(fiabilité :édition)

Lieunon identifié

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditionoriginal

Hauteur à gauche275   mm

Largeur en haut430   mm

Largeur en bas435   mm

AuteurBeremundus et Pierre

BénéficiaireAbbaye  de  CLUNY

Regeste

Beremundus et Pierre donnent à l'abbaye de Cluny plusieurs églises et divers biens situés à Gonzelino, Maurestello, Catellato, Barralis et d'autres lieux.

Texte

l.1 DOMINUS ac redemptor noster cupiens humanum genus a laqueis diaboli, a quo per culpȩ suȩ meritum homines captivi tenebantur, misericorditer liberari, cum eos propriis viribus sciret minime posse salvari, contra
l.2 peccatorum nostrorum mortifera contagia preceptorum suorum obponere dignatus est salutifera medicamina; inter quȩ duo in sacris eloquiis clarescunt eximia, quȩ principaliter ad obtinenda regna cȩlorum Dominus
l.3 ammonet, dicens: Facite vobis amicos de mamona iniquitatis, qui vos recipiant in ȩterna tabernacula; et: Qui vult post me venire abneget semetipsum, et tollat crucem suam et sequatur me; quia nisi quis
l.4 renunciaverit, inquit, omnibus quȩ possidet, adhuc autem et animȩ suȩ, non potest esse meus discipulus. Quȩ utraque Domini mandata ego BERMUNDUS devote explere cupiens, cum animadverto nullatenus perfecte
l.5 posse fieri nisi monachus efficiar, dono et commuto sive transfundo memetipsum cum omnibus rebus et possessionibus et universis quȩ habere possum sive potuero omnipotenti DEO et sanctis apostolis ejus Petro et Paulo,
l.6 ad locum Cluniacum, ubi domnus HUGUO abbas magis videtur prodesse quam preesse, sub regula videlicet beatissimi patris BENEDICTI, laudante per omnia et in omnibus quȩ infra scripta sunt fratre meo Petro,
l.7 ut et ipse cum parentibus et propinquis nostris omnibus vivis atque defunctis hujus beneficii et helemosinȩ particeps habeatur.
l.8 Est autem hȩc helemosina et donum quod ego BERMUNDUS et frater meus PETRUS, miles strenuus, facimus, ut predictum est, ad cȩnobium Cluniacense pro peccaminum nostrorum indulgentia et animarum nostrarum requie,
l.9 necnon et patris et matris seu omnium propinquorum nostrorum animarum salute, aecclesia scilicet Sancti Genesii, cum omnibus quȩ ad eandem ȩcclesiam pertinent, et aecclesia de Gonzelino, et totum quod Radulfus et Geraldus tenere
l.10 solebant, de oblationibus altaris, de primiciis, de cimiterio, de decimo, et terra juxta ȩcclesiam, a portis ȩcclesiȩ, ita ut via publica vadit usque ad rivum qui currit juxta Gonzelinum, et ex alia parte a vitrea
l.11 ȩcclesiȩ ut rectum iter vadit usque ad rivum, et ita ut rivus et via simul junguntur, et aȩcclesia de Maurestello, et ȩcclesia de Catellato et totum quod ibi habere solebamus, ego Bermundus et frater meus Petrus, de offerendis, et
l.12 de primiciis, et de cimiteriis, et quod ego Bermundus habere solebam in ȩcclesia de Barralis, de cimiterio et de offerendis et de primiciis et medietas de leisdis de sale quȩ exeunt ad Gonzelinum
l.13 et piscatio porti, quam ego Bermundus habebam, et condamina de Mansuris, quȩ est inter duas vias, et grangia, et solum quod est subtus Gonzelinum, et clausum de Villare Boso-
l.14-nis desuper viam, et quantum Stephanus villicus tenebat a me, et curtilus quem Martinus tenebat, et casamentum a me et prata tria quȩ sunt ex parte Tencini, et
l.15 salices, et mansus Bernardi de Fonte Cooperto, et mansus Guillerii de Rochetis, et mansus Aymonis et Fulconis qui est in Monte Sancti Genesii, et medietas de manso Bernardi de Solariis. Si quis autem aliam
l.16 medietatem hujus mansi ad locum Cluniacum dare voluerit, ego Bermundus et frater meus Petrus laudamus per alodum, et medietas mansi quem tenent Bermundus et Lantelmus Guersus, et qui aliam medietatem Cluniaco dare
l.17 voluerit, nos laudamus per alodum; et quisquis dare voluerit ex nostris, ad locum Cluniacum, de decimis quȩ sunt de alodo nostro, nos laudamus. BOSO omnesque fratres sui, scilicet THEUTBERTUS et PETRUS levita,
l.18 PONCIUS Pinguis levita, UMBERTUS de Barralis levita, ALGODUS levita, FALCO levita, BERMUNDUS Merulus levita, LANTELMUS Guersus levita, Achim levita.
l.19 Si quis autem, malo spiritu excitatus, sive propinquorum, sive extraneorum, in hoc dono et helemosina a me Bermundo et fratre meo Petro facta, aliquid quod absit inquietare aut calumpniare voluerit, nullatenus adipisci valeat quod male
l.20 quesierit, et si forte aliquod dampnum ingesserit, predicti apostoli claudant ei januas paradisi, nisi ad emendationem congruam venerit, aut digne veniam petere studuerit, alias vero sit anathema maranatha.
l.21 Facta est ergo donatio hȩc et helemosina anno ab incarnatione Domini millesimo LXXXmoImo.

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 4, p. 732-734, n° 3585.

Responsable

M.-J. Gasse

Comment citer cette notice

Acte n°1716 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1716»[En ligne] http://www.cn-telma.fr/originaux/charte1716/. Date de mise à jour : 29/03/12.