Geoffroi II, comte de Mortagne, et Béatrice, son épouse, donnent à l'abbaye de Cluny plusieurs églises dont l'église Saint-Denis de Nogent, des terres et des droits.

l.1 IN NOMINE SANCTE ET INDIVIDUE TRINITATIS, PATRIS ET FILII ET SPIRITUS SANCTI, QUI EST TRINUS IN NOMINE ET UNUS IN NUMERO.
l.2 Conditor mirabilis rerum, cum sit omnium dominus, nullaque nisi ab eo pro meritis subjectorum potestas hominibus in hoc salo sit concessa, potentes hujus seculi bonis operibus insistentes a se non abicit, sed uti
l.3 apostolus ait, personarum acceptor non est, verum in omni gente qui timet eum et operatur justitiam acceptus est illi. Quapropter in hujus mundi pelago homines caducis operum honoribus admodum affluen-
l.4-tes, quique nolunt vivere secundum illud apostoli dictum, tanquam nichil habentes et omnia possidentes, sed easdem opes a Deo sibi concessas male utendo abutuntur, suorumque peccaminum mole graviter
l.5 deprimuntur, aliquando quidem resipiscentes, divinȩ propitiationis advocata clementia, sedula mente ad eum redire debent, qui mortem non desiderat peccatorum, verum ad se redeuntium culpam non
l.6 solum misericorditer astergit, sed etiam sua inolitȩ misericordia oblivionis velamine obtegit. Quia vero peccatoribus tantȩ vires non suppetunt, ut absque sanctorum suffragio mereantur adipisci
l.7 sanctorum veniam delictorum, gloriosorum patrocinia martyrum ceterorumque sanctorum incessanter opus est implorare, quatinus eorum meritis Deum placatum habeant, atque ad ȩterna mereantur pertingere
l.8 gaudia seculorum meritis nescia. Itaque ego Gaufridus, militari balteo accinctus, atque castri Mauritaniȩ comes, notum esse volo omnibus orthodoxȩ fidei cultoribus, quoniam avus meus Gaufridus,
l.9 comes atque vicecomes, tam superbi sanguinis nobilitate quam mundanarum rerum famosissimus, pro parentum suorum suaque salute, necnon pro suarum sobolum incolumitate, inter Gioginiȩ fluvium ca-
l.10-strumque Nogiomi, quod situm est in Pertico, in honore pretiosi martyris Dionisii sociorumque ejus, magnifico opere basilicȩ jecit fundamenta, cujus operis partem peregit non exiguam, prefatumque martyrem suis rebus
l.11 pro tempore honoravit, pollicens post operis expletionem ipsius basilicȩ multo majora dare, ut monachorum ordo ibi militaturus, propulsa omni inedia, pro sua omniumque salute, perdia pernoxque, cum omni tranquillitate
l.12 preces Deo fundat. Interea ergo improvisa mors in Carnotina urbe eum ab ecclesia matris Domini redeuntem furatus anticipavit gladiis, imperfecto opere basilicȩ quam ceperat. Pater vero meus in ejus loco heres constitutus,
l.13 ad peragendum inceptum opus antequam obiret, tota intentione, totisque nisibus laborans, monasterium ad unguem perduxit, accersitisque episcopis dedicari fecit; deinde ex sui juris rebus, quas ad hoc opus
l.14 aliunde emerat, prout potuit competenter, patris sui dona auxit, atque coram episcopis omnique plebe cum laude filiorum et optimatum suorum de omnibus rebus quas vel ipse vel pater suus, avus meus, ecclesiȩ contulerant,
l.15 vel ab aliis dari concesserant, donum super beati Dionisii altare posuit, atque ad augendum quandiu vixit quȩ data erant summopere studuit. Patre quoque viam universȩ carnis ingresso, ego satis adhuc ju-
l.16-venculus, heres pro eo constitutus, cum inter hujus estuantis pelagi procellas multa pertulissem pericula, tandem supernȩ pietatis intuitu, quiete data et otio, velut patri et avo pedissequum ferens, quod
l.17 illos mille votis exoptasse perpendo, adimplere disposui. Cunta igitur que avus meus paterque dederant cum ipso monasterio, annuente Ricerio, Senonensium archiepiscopo, et laudantibus Carnotensis ȩcclesiȩ
l.18 canonicis, et Tedbaldo comite consentiente, et uxore mea Beatrice confirmante, et omnibus modis faciente, necnon Rotroco, filio meo, cunctisque optimatibus et militibus meis atque aliis hominibus meis
l.19 benivola voluntate annuentibus, tam adquisita quam adquirenda, tam nominata quam nominanda trado, concedo, dono, transfundo ad altare sublimissimorum apostolorum Petri et Pauli, quod est situm in loco qui Cluniacus
l.20 dicitur, ubi domnus Hugo abbas preesse videtur, moonachique sub ejus imperio domino Deo nocte dieque militant. Sine ulla contradictione et ex mea potestate in illorum voluntatem transmuto, ita ut deinceps
l.21 ipse domnus abbas et successores ejus habeant, teneant, possideant, regant et dirigant secundum suum velle et posse. Imprecor autem Ananiȩ et Saphirȩ mortem, Judȩque proditoris penam, cunctis
l.22 qui cupiditatis visco de rebus datis vel concessis quicquam temptaverint subripere vel minuere. Hȩc omnia supranominata vel inferius breviter expressa, dono atque concedo: vicum supradictȩ ȩcclesiȩ adjacentem, cum X prati agripennis,
l.23 totamque terram juris mei usque ad Rodnam fluvium, et super ipsum fluvium duos farinarios; ȩcclesiam quoque Sancti Hylarii quȩ est sita super Ioginiȩ fluvium, cum decima et sepultura, omnibusque appendiciis suis; terram etiam Burcardi
l.24 cum broilo; terramque de Belseria; alodium etiam quod post mortem matris suȩ Milesindis, avus meus Gaufridus in Asconis villa sepedictae ȩcclesiae contulit; necnon ȩcclesiam de Scampo Rotundo cum Nigellȩ terra, et omnibus
l.25 appendiciis suis; super Heram fluviolum in loco qui dicitur Vivariis, terram cultam et incultam cum pratis et silvis. Res quoque servorum meorum morientium tam in edificiis quam in rebus aliis, concedo; saltus etiam meos consuetudinarios esse
l.26 jubeo usibus ȩcclesiȩ ediumque monachorum, et remitto pasnadium porcorum suorum. In Carnoteno oppido dono censum quarundam arearum. In burgo Castri Dunensis ecclesiam Sancti Sepulchri, quam avus meus Gaufridus servis
l.27 suis ideo fundare permisit, ut supradictȩ ȩcclesiȩ Sancti Dionisii subjaceret ac monachis ibidem constitutis deserviret. Concedo etiam meorum fidelium dona futura emptionesque quas monachi
l.28 a meis hominibus quocunque modo agere potuerint; et omnia data vel danda ab eis ita libere possideri ac haberi, ut mei heredes succedentes neque per theloneum, neque per vicariam, neque per bannum, neque per colloca-
l.29-tionem suorum militum, neque per aliam consuetudinem quamvis modicam, monachis vel suis inferant inquietudinem hominibus. Et dono ad omnes edificaciones suas agendas omnes saltus meos, excepto Pertico;
l.30 et in Castro Dunensi quinque stallorum salis ac carnis consuetudinem, et meo assensu in loco qui Oratorius dicitur Vivianus, filius Otardi, cum Hugonis filii sui assensu, terram unius aratri dedit. Ego vero Gaufri-
l.31-dus comes, domino meo Tedbaldo palatino comite annuente, in territorio Dunensi predicto loco dono ex mea parte X agripennos vineȩ, in loco qui Fracta Vallis dicitur, et in Morismi villa terram unius
l.32 aratri mediaetatemque ecclesiȩ de Margone, atque molendinum de Ruitura, cum tali molta qualem in manu mea habebat; terram quoque de Bremerii Curte cum mediatoria, ac terram
l.33 Boeniaci cum mediatoria; medietatem etiam Bebanis villȩ, silveque que dicitur Ostingavis. Hȩc itaque data atque in futuro danda, ita concedo esse libera, ut avus meus Gaufridus et pater meus, Rotrocus sua
l.34 suorumque fidelium dona libera esse sancierunt; quatinus ego et uxor mea et progenies de nobis exitura, peccatorum nostrorum veniam in hoc seculo adipisci mereamur, et in futuro eterna gaudia bonis omnibus repro-
l.35-missa nanciscamur. Ego Gaufridus comes donationem hanc laudo, corroboro et manu mea sigillo. Signum Beatricis comitissȩ, quȩ fecit et consensit. Signum Rotroci filii eorum. Signum Rotroci fratris comitis.
l.36 Signum Rodberti Pagani. Signum Hugonis de Silic. Signum Wilielmi Vuitardi. Signum Genelonis. Signum Walterii de Matella. Signum Pagani. Signum Salonis. Signum Herberti de Arro. Signum Fulcoii de Mezuerola. Signum Reinaldi vicarii. Signum Gui-
l.37-terdi. Signum Gaufridi, filii Vuilielmi. Signum Odonis de Re. Signum Odonis Brisardi. Signum Gaufridi Ridelli. Signum Odonis Biguo. Signum Agmerici filii Reinaldi. Hanc cartam Gaufridus comes et uxor ejus Beatrix, in concilio
l.38 Meldensi, cui domnus Hugo episcopus Diensis domni papȩ Gregorii vicarius presedit, cuique etiam domnus Amatus, Olerensis episcopus, ejusdem papȩ vicarius, interfuit, unacum multis religiosissimis viris, archiepiscopis, episcopis, abba-
l.39-tibus aliisque orthodoxȩ fidei cultoribus presentaverunt, humili devotione petierunt, quatinus supradicti pape vicarii cum laude atque assensu circumsedentium, auctoritate apostolica premunirent atque indissolu-
l.40-bili firmitate solidarent. Quorum petitioni jamdicti vicarii congaudentes, cartam hanc laudaverunt; atque nullo contradicente, nemine calumniante, sed universa sinodo applaudente atque faven-
l.41-te, auctoritate Dei et sanctorum apostolorum Petri et Pauli et domni Gregori papȩ sibi commissa, inviolabiliter firmaverunt. Signum Aganonis Eduensis episcopi. Signum Hugonis Lingonensis episcopi. Signum Walterii Cabi-
l.42-lonensis episcopi. Signum Landrici Matiscensis episcopi. Signum Hugonis Nivernensis episcopi.