Paris, BNF, coll. de Bourgogne t. 78 n° 141
Numéro1710
Fiabilité de l'actenon suspecté
Genrediplôme
Date07/04/1080(fiabilité :édition)
Lieunon identifié
DiocèseMâcon
RégionBourgogne
Supportparchemin
Chirographienon
Sceau sceau plaqué
Etat de la traditionoriginal
Hauteur à gauche530 mm
Hauteur à droite540 mm
Largeur en haut480 mm
Largeur en bas490 mm
AuteurPhilippe Ier, roi de FRANCE
BénéficiaireAbbaye de CLUNY
Regeste
Fac-similé
Texte
l.2 ceterasque potestates constituit, ut ipsi factorem suum super se recognoscant, et prout posunt specialiter ei deserviant, ab ipso quoque pro perituris ȩterna recipiant. Quapropter
l.3 ego PHILIPPUS, GRATIA DEI Francorum rex, cum ex nostra regali liberalitate omnibus rationabiliter petentibus inpertiri debeam, illis tamen vehementius concedere debeo, quos
l.4 constat religiose petere et divinis cultibus devotius inservire. Si enim pie voluntati hominum prebuerimus assensum, nos cum eis remunerandos in superna retributione
l.5 procul dubio credimus. Idcirco noverit universitas sanctȩ matris ȩcclesiȩ, tam presentis quam futurȩ ȩtatis fidelium, quod quidam nobiles viri, videlicet Hadericus clericus,
l.6 sanctȩ Aurelianensis ȩcclesiȩ filius, et frater ejus Isembardus miles, et nepotes eorum quidam, videlicet Cluniacensis monachus nomine Wido, abbas Sancti Benedicti super Padum, et fratres ejus Gaufridus
l.7 et Gibaldulus, et Oudalricus miles, cum fratre suo Walterio, et Wido Largus, atque filius ejus Tetbaldus, necnon etiam Albertus, filius Tescelini Felicis, cum uxore sua Belina et filiis
l.8 suis, nostre serenitatis adierunt presentiam, rogantes et obnixe postulantes, ut de quibusdam suis terris domino Deo et beatis apostolis ejus PETRO et Paulo, loco Cluniaco religioso
l.9 monasterio, cui domnus HUGO venerandus abba preest, aliquid darent, et in ipsa possessione super Wadum Pitueris ȩcclesiam ad predictum monasterium pertinentem,
l.10 in honore Dei omnipotentis et beatȩ Mariȩ semper virginis, ac beatorum apostolorum Petri et Pauli constructam, per nostrum regale preceptum firmaremus, ut diutius atque constantius
l.11 suȩ voluntatis persisteret effectus. Quorum petitioni libenter annuimus. Obtinuerunt etiam idem ipsi nobiles viri, quos supra memoravimus, apud Raynerium
l.12 Flandrensem, qui tunc temporis Aurelianensis ȩcclesiȩ episcopus habebatur, ut eis liceret eandem ȩcclesiam suo consensu fundatam de alodis suis et beneficiis quȩ in
l.13 predicto episcopatu sunt dotare. Que autem sunt illa quȩ huic devotioni annuerint, ita distincte et quasi propriis nominibus annotari placuit: alodum videlicet
l.14 de Sinaquis, cum vineis et virecto, terris cultis et incultis, alodum de Gannonis Villa cum culturis et quicquid ibi adquisivit Wido Largus servitio vel peccunia sua, et
l.15 grangiam unam Pitueris. Cum his etiam dedit ibi Hadericus domum suam quȩ est Aurelianis in alodo suo, cum alodo et cum vasis omnibusque rebus suis quȩ ibi erant, necnon
l.16 etiam partem sui alodi de Monte Barresio; insuper etiam omnia sua aloda ubicumque sunt, cum consensu parentum suorum supradictorum. Concedo etiam predictȩ
l.17 ȩcclesiȩ ospites omnes quicumque inibi hospitari voluerint, necnon omnia quecumque nunc habet et adquirere poterit juste. Et ut hȩc carta stabilis et firma permaneat,
l.18 eam caractere nostri nominis et sigillo nostro firmari et corroborari precipio. Quod a nobis sanccitum, si quis in posterum violare vel permutare presumpserit, centum libras auri
l.19 persolvat.
l.20 Signum Ade dapiferi. Signum Simonis. Signum Waleranni camerarii. Signum Alberti filii Tescelini.
l.21 Signum Walterii de Sancto Salomone. Signum Maynardi nepotis Walterii. Signum Beline uxoris Valterii.
l.22 Signum Hugonis de Stulviaco. Signum Johannis militis. Signum Widonis Largi. Signum Letaldi. Signum Herberti de Gironis Villa.
l.23 Signum Aderici. Signum Fulconis filii Letaldi.
l.24 [monogramme] [sceau].
l.25 Data per manus Rotgerii cancellarii VII idus aprilis, anno incarnati Verbi millesimo octogesimo, indictione IIIa, epacta XXmaVIta, regnante Philippo rege anno XmoVIIIIno.
l.26 Signum [croix] Philippi regis.
Bibliographie
BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 4, p. 679-681, n° 3552.
PROU (M.), Recueil des actes de Philippe Ier, roi de France (1059-1108), Paris, 1908 (Chartes et diplômes relatifs à l'Histoire de France), p. 254-257, n° 99.
Responsable
M.-J. Gasse
Comment citer cette notice
Acte n°1710 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1710»[En ligne] http://www.cn-telma.fr/originaux/charte1710/. Date de mise à jour : 29/03/12.