Wigo, comte d'Albon, donne à l'abbaye de Cluny, la chapelle de Muracio et l'église Saint-Prix de Cumbis.

l.1 [croix] NOTUM SIT OMNIBUS FIDELIBUS, TAM FUTURIS QUAM PRESENTIBUS QUOD EGO
l.2 Wigo, Dei indultu oppidi Albionis comes, capellam de Muracio et ecclesiam
l.3 Sancti Prejecti, que sita est in Cumbis, omniaque ad illas intus vel foris pertinentia, vineis,
l.4 terris, pratis, aquis et silvis, culta et inculta, quȩ huc usque jure hereditario posidere
l.5 videror, beatorum apostolorum Petri et Pauli ecclesiȩ Cluniacensi, ad locum Mantuȩ, cui donnus abba
l.6 Ugo non tam preesse quam prodesse videtur, pro remedio animȩ meȩ parentumque
l.7 meorum, in posterum abendum concedo, et in potestatem ipsius predicti Ugonis
l.8 abbatis transfundo.
l.9 Si quis autem huic meȩ oblationi in aliquo contradixerit, aeterni regis
l.10 iram incurrat, et in igne diabolo et angelis ejus preparato sine fine ardeat.
l.11 Facio enim hoc astipulacione et auctoramento fratris mei Guigonis, cognomento Raimundi,
l.12 Richardi Armannique, qui per me tenere videbantur, parentumque eorum et alium legalium virorum
l.13 meorum, quorum hȩc sunt nomina: Gosfredus de Murencio, Artaldus de Roscilione,
l.14 Bermundus de Orel, Atenus de Toli, Eitur de Cassanalio, Antelmus de Muracio, Elisiardus,
l.15 Garnerius.
l.16 ANNO ab incarnacione domini nostri Jhesu Christi millesimo septuagessimo nono, indictione II.