Alphonse VI le Vaillant, roi de Léon et de Castille, accorde à l'abbaye de Cluny, un cens double de celui que son père avait coutume de verser.

l.1 [chrisme] In nomine domini nostri Jhesu Christi, Patris, et Filii et Spiritus Sancti. Cui laudes et gratiarum hactiones persolvimus, qui est ubique laudabilis, ubique mirabilis, cui omnes precones jubilant laudem et super omnia gloriosus extat in unitate Trinitatis per numquam finienda semper secula seculorum, et cum Patre et Filio et Spiritu Sancto unum possident nomen, quem cerubin et seraphin conlaudant,
l.2 quem angeli et archangeli adorant, troni et dominationes concelebrant, principatus et potestates exultant, quem viginti et quatuor seniores ter sanctificant et murmur undarum sua voce conlaudant et cuncti sancti ejus ipsum benedicunt et est benedictus in secula. Amen. Ego Adefonsus, gratia Dei rex Leonum, licet indignus Dei famulus,
l.3 mole peccatorum depressus, in spe fidutiaque sanctorum non usquequaque disperatione dejectus, set etiam reatu meorum criminum expavesco, ut per sanctos Dei inveniri merear remissionem peccatorum meorum; per sanctam clementiam suam sic fiat, amen. Et ideo extitit in devotione mea, ut aliquantulum de proprietate mea dedissem et concedissem monasterio
l.4 sanctorum apostolorum Petri et Pauli, in loco Cluniacensi et Ugoni abbati necnon cuncte congregationi sue, videlicet censum quem pater meus illo sanctissimo loco Cluniacensi solitus erat dare, ego, in diebus vite mee, annuente Deo, duplicatum dabo. Hunc autem censum do et concedo in loco baselice Cluniacensi et Ugoni, abbati, cunctisque fratribus suis, qui vitam
l.5 sanctam perseverantes, pie et sancte ordinem sancti Benedicti tenuerint, pro remedio anime mee et pro anima patris mei regis Fridenandi, et pro anima matris mee Sanctie regine, et pro animabus parentum meorum, qui post me venturi sunt, ut habeant vitam et requiem sine fine. Scio illum vere censum, quod pater meus solitus erat
l.6 dare, causa vestimentorum tribuisse, set hoc quod domnus Robertus die hac nocte mici addere suasit, propter triticum ut venundetur, mando et amoneo, quatinus illa sanctissima congregatio vitam suam sufultire valeat. Et hoc proibeo, ut non mitatur in alio loco nisi in comparatione tritici
l.7 sicut supradictum est. Istam kartulam donationis fatio et confirmo et non pretermito de ipso censo ad aliquem hominem aliquid auferre presumat pro nullo reatu. Et si quis ex meo genere, qui post me venturus sit, quod minime credi potest, hunc votum mei testamenti infringere voluerit
l.8 et qualiscumque fuerit, qui hoc regimen post me gubernaverit et si hunc censum ita duplicatum persolvere non quesierit, sicut supradictum est, in primis suis a fronte careat lucernis, igne cremetur ardente, cum opibus suis et cum Christi proditore permaneat crutiatus. Hoc testamentum scripture permaneat
l.9 firmissimo robere hac perpetua firmitate. Facta kartula testamenti VIto idus julii, era MaCaXV; regnante rege Andefonso in Legione et in Kastella et in Pampillone. [colonne1] Petro Asuriz comes confirmavit [croix]. Didago Asuriz comes confirmavit [croix]. Gondisalvo Salvatoriz comes [croix]. Monin Gonsalviz comes confirmavi [croix]. Sanctio Ordoniz comes confirmavit [croix]. [colonne2] Pellagius episcopus in Sancta Maria hic confirmavit [croix]. Petrus episcopus Astoricense hic confirmavit [croix]. Bernardus episcopus hic confirmavit [croix]. [colonne3] Fridenandus abbas confirmavit [croix]. Julianus abbas confirmavit [croix]. Ramirus abbas confirmavit [croix]. Ego Aldefonsus rex uhic serie testamenti signum injexi et propria manu mea roboravi [signum].