Guillaume VIII, duc d'Aquitaine, place sous la dépendance de l'abbaye de Cluny le monastère de Montierneuf de Poitiers, auquel il accorde divers biens et privilèges.

l.1 Divina pietas et misericordia multiplex ad consulendum, mortalibus dans formam aedificandi aeterna et mansura
l.2 de bonis temporalibus: Facite, inquit, vobis amicos de mammona iniquitatis, ut cum defeceritis, recipiant vos
l.3 in aeterna tabernacula. Quapropter ego Willelmus, dux Aquitanorum et comes Pictavorum, haec attendens
l.4 et scripturae dicentis: Divitiȩ viri redemptio animae illius recolens, ob enormitatem meorum facinorum, delibe-
l.5-ravi et statui Pictavis in alodio meo construere monasterium ad servicium et honorem domini Dei omnipotentis,
l.6 et beatȩ Mariae semper virginis, et beati Johannis evangelistȩ sanctique Andreae atque apostolorum Symonis et Judae,
l.7 omniumque sanctorum, quatinus isti eorumdem meorum facinorum et patris ac matris, necnon cunctȩ meȩ parentelae
l.8 interventores et precatores exsistant, ut quod nostris non valemus meritis, eorum assequamur patrociniis;
l.9 quodque, ut stabilius et firmius per succedendia tempora maneat, sub ordinatione et gubernatione domni
l.10 Hugonis Cluniacensis abbatis cunctorumque sui successorum pono ac trado, et dominio eorum per omnia subicio.
l.11 Statuo autem ipsum monasterium liberum et francum et fundum in quo sedet, et trado ei villam ultra aquam sibi contiguam
l.12 et stagnum sive piscariam cum molendinis et villam Agriciacum et burgum Sancti Saturnini cum tampnatoribus et villam
l.13 Jamnuas et revestituram de Mostariolo, sicut determinata est, et revestituram de Ussello, sicut determinata est, et revestituram
l.14 de Bouet, sicut determinata est, et villam de Bennaco, sicut eam habeo, cum casamentis militum, et quartam partem de Olorun,
l.15 excepta turre et castro. Trado eciam ei Artigiastrimers.
l.16 Concedo etiam, laudo et auctorizo quicquid mei milites vel homines, in honore vel de honore meo dederint
l.17 praedicto loco sive monasterio. Si quis vero regum, comitum, episcoporum, sacerdotum, clericorum, judicum ac secularium personarum
l.18 hanc nostrae traditionis et confirmationis cartam quoquomodo calumpniatus fuerit vel perturbaverit, nisi penituerit
l.19 et emendando satisfecerit, iram omnipotentis Dei omniumque sanctorum incurrat, atque in aeterno examine districtȩ ultioni cum
l.20 Datan et Abiron et Juda traditore Domini subjaceat. Cunctis autem eidem loco justa servantibus, sit pax domini nostri
l.21 Jhesu Christi, quatinus et hic fructum bonȩ actionis percipiant, et apud districtum judicem praemia ȩternae pacis
l.22 inveniant. Facta est quoque haec carta descriptionis sive firmationis V kalendas februarii, anno ab incarnatione
l.23 Domini millesimo LXXVII, indictione XV, regnante rege Francorum Philippo, pontificatum tenente domno Gregorio
l.24 septimo papa, anno autem pontificatus ejus quarto.
l.25 Signum Wilelmi comitis qui hoc donum fecit. Signum Oddonis abbatis Sancti Johannis. Signum Ugonis de Lisigniaco. Signum Borelli. Signum Girberti
l.26 de Sancto Johanne.