Widric, évêque de Langres, à la demande d'Henri, comte de Bourgogne, donne à la cathédrale de Langres, des biens situés dans le pagus d'Atuyer, puis accorde ces biens à Henri, avec l'oppidum de Châtillon, la villa de Crépan et 30 manses.

l.1 [chrisme] IN NOMINE SUMMȨ ET INDIVIDUȨ TRINITATIS AC VIVIFICȨ UNITATIS, ANNO INCARNATIONIS DOMINICȨ DCCCCLXXIII, NUTU DEI, VUIDRICUS,
l.2 sanctȩ sedis urbis Lingonicȩ presul, humillibus notum cupimus esse omnibus maximeque aecclesiȩ nostre filiis et fidelibus quia dum
l.3 in gremio matris ȩcclesiȩ nobis a Christo commisse resideremus et pro modulo nostrȩ capacitatis quatinus negotia ejusdem ȩcclesiȩ in
l.4 aucmendandis rebus ecclesiasticis, Christo auctore, unacom consilio et ortatu nostrorum fidelium solerti provideratione investigando,
l.5 pertractaremus, inter plura que tunc temporis stabiliendo decrevimus et decernendo statuimus, ecce adiit serenitatis nostre optutus
l.6 benivolentia et imploratio Heymrici eximii Burgondie comitis, intimans nobis ut quasdam res suȩ proprietatis quȩ conjacent
l.7 in pago Atoerensi et in villa quȩ nuncupatur Artasia, com omnibus sibi aspitientibus, Deo et sanctum Mammeti legaliter conferre et justa disposi-
l.8-tione tradere conabatur. Ipse vero suam benignissimam voluntatem adimplere satagans condonavit et benigna deliberatione tradidit
l.9 prefatas res Deo et suo agoniste Mammeti. Postmodum namque suam implorationem, optulit nobis per quam et ipsas res suȩ donationis et alias ad jus
l.10 et dominium ȩcclesiȩ nostrȩ pertinentes, in comitatu Laticense, Castellionem scilicet oppidum, cum suis adjacenciis, hoc sunt mansa XXXta cum Crispenni villa,
l.11 usu beneficiario tribuere ad condonare non dedignaremur. Nos autem veluti tanti ac tam precipui comitis dignam obsecrationem an-
l.12-nuentes et ejus rationabilem suggestionem ad effectum perducere studentes, desiderium illius juste petitionis perficere procuravimus,
l.13 dantes et concedentes prenotato comiti Einrico et huno heredi et ipsas res suȩ largitionis et alias ad ȩcclesiam nostrȩ dominationis
l.14 pertinentes, sicut supra inserta habentur, ea videlicet auctoritate ut quamdiu vixerint per hoc privileium nostrȩ largitionis eas teneant et
l.15 possideant et nullo modo de regimine nostro successorumque nostrorum eas abstrahere licentiam habeant, nec ipsa ȩcclesiastica mancipia in-
l.16-justȩ opprimere aut indebitum eis inponere valeant, sed sicut ab antecessoribus ȩcclesiȩ nostrȩ jure habite sunt ita et ab ipsis habeantur.
l.17 Constituimus etiam quatinus annis singulis, festivitate sancti Mammetis, absque ulla procrastinatione libram I in argento ad altare ipsius
l.18 in censum persolvere non tardant. Post cujus finem migrationis prenominata res inmelioratas absque alicujus judicis interrogatione
l.19 aut heredum expectatione ad jus et dominium ȩcclesiȩ nostrȩ nos ipsi sive successores nostri revocandi liberam potestatem habeamus.
l.20 Ut autem hec prestaria succiduis temporibus inviolata et inviolabilis perseveret hanc securitatem grammatum eis facere jussimus,
l.21 quam manu roborantes propria, manibus nostrorum fidelium clericorum seu laycorum firmandam tradidimus. Hoc scitote quam feci.