Achard, évêque de Langres, accorde à Robert, chanoine de Saint-Mammès de Langres, et à son neveu Unencus, leur vie durant, la partie de Noiron-lès-Gevrey qui appartenait à l'église Saint-Étienne de Dijon.

l.1 [chrisme] In nomine summe et individue Trinitatis, ego Achardus, sancte Lingonensis ecclesiȩ humilis episcopus, notum volo esse
l.2 omnibus maximeque ecclesiȩ nostrȩ filiis et fidelibus, quia dum in gremio matris ecclesiȩ nobis a Christo commisse residerem et
l.3 de statu ejusdem ecclesiȩ, unacum consi[lio] et voluntate nostrorum fidelium, quatinus Deo auctore in melius aucmentarentur
l.4 sinceriter investigando perquirere [.....] plura que tunc temporis inibi stabiliendo definivimus, ecce adiit serenitatis
l.5 nostrȩ optutus quidam noster fidelis Teudo abbas et archidiaconus, humili efflagitatione nostram exposcens serenitatem quatinus
l.6 eam partem de ecclesia villȩ Neronis que ad juris dominium pertinet ecclesiȩ Sancti Stephani, Divionensis castri, Rotberto, Sancti
l.7 Mammetis canonico, suoque nepoti Unenco, cum consilio et voluntate canonicorum in eadem ecclesia famulantium per auctori-
l.8-tatem nostrorum apicum pie et misericorditer concedere non dedignaremur. Cujus vocem juste implorationis benigniter
l.9 suscipientes et ejus obsecrationi aures nostre dignitatis inclinantes, voluntatem illius juste peticionis ad effectum per-
l.10-ducere studuimus, concedentes et condonantes pretitulato Rotberto suoque nepoti, sicut supra exaratum habetur, eam partem
l.11 que ad rationem pertinet sancti Stephani, cum decimis sibi aspicientibus, faventibus nostris fidelibus et consentientibus ejusdem ecclesiȩ
l.12 canonicis, ea videlicet auctoritate parilique tenore ut quamdiu advixerint ambo prefatas res teneant et pos-
l.13-sideant, ipsamque ecclesiam que videtur esse consecrata in honore sanctȩ Mariȩ secundum jurium suarum qualitatem, quantum
l.14 ipsius ad partem ecclesiȩ pertinet in melius in condignis famulatibus condirgere et instruere non pigeant, debitumque
l.15 servicium quod nobis debetur statutis temporibus nobis nostrisque exactoribus persolvere non tardant. Decernendo
l.16 etiam stabilivimus ut quis alterum supervixerit absque ullius inquietudine et contradictione ex predictis rebus dominator
l.17 et possessor existat. Denique, ne ab alico successore nostro seu fraudatore hec pietatis clementia in relicum corrum-
l.18-petur, sed semper in Dei nomine tutiorem optineat firmitatis vigorem, hanc securitatem nostrarum litterarum
l.19 eis facere jussimus, quam manu propria roborantes, nostrorum fidelium manibus firmandam tradidimus.
l.20 Achardus, episcopus, [subscripsit]. [colonne1] Beraldus, prepositus, [subscripsit]. Oricus. Valterius [subscripsit]. Contantius [subscripsit]. Remigius, levita, [subscripsit]. [colonne2] Teudo, archiclavus, [subscripsit]. Teudo [subscripsit]. Vindricus, levita, [subscripsit]. Aymo [subscripsit]. Blibodus [subscripsit]. Rodulfus [subscripsit]. Adalaldus [subscripsit].
l.21 Ego Aermannus, levita indignus, hanc scripturam scripsi et [ruche]. Datum
l.22 XIII kalendas junii, regnante Lotthario rege.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 4, Instr, col. 517.

ROSEROT (Alphonse), Chartes inédites des IXe et Xe siècles, appartenant aux archives de la Haute-Marne (851-973), in Bulletin de la Société des Sciences historiques et naturelles de l'Yonne, 51 (1897), p. 161-209, p. 189-190, n° 17.

COURTOIS (J.) et al, Chartes de l’abbaye de Saint-Etienne de Dijon (VIIIe s. - 1230), 4 vol., Paris-Dijon, 1907-1912, p. 66-67.