Renaud, évêque de Paris, sur la requête de l'abbé Gausbert, renonce au profit de Saint-Julien de Tours aux coutumes pesant sur Vaubouan et Beaumont-la-Chartre.

l.1 [chrisme] ANNO DOMINICȨ INCARNATIONIS MV, INDICTIONE III, ACCESSITANTE PRESENTIAM VENERABILIS
l.2 RAINALDI, Parisiorum pontificis, domnus abba Gauzbertus, humili prece deposcens quatinus, ob amorem Trinitatis
l.3 deificȩ pariterque pro animarum suȩ videlicet, ac beatȩ recordationis BURCHARDI, comitis, necnon felicis memoriȩ Helisabet,
l.4 ipsius conjugis, redemptione, consuetudines illas quas justȩ vel injustȩ in terra gloriosi athletȩ JULIANI, scilicet in potesta-
l.5-te vulgo vocitata Vallebouana et Bellomonte, possidebat, indulgere dignaretur. Cujus peticionem memoratus
l.6 prȩsul corde benigno recepit, et voti compotem favorabiliter effecit. Dimisit igitur ac ex toto reliquit prelibatus
l.7 pontifex omnes consuetudines quas justȩ vel injustȩ ipse suique antecessores in terra potestatis sancti JULIANI habue-
l.8-rant, simulque decrevit quatinus ipsemet vel suus ips[ius] venator, auceps, sive quilibet ingenuus, aut servus, sive
l.9 ipsorum equi, vel canes, in omni ejusdem martyris terra, vi aut prece, nullo modo jacere presumant. Hoc
l.10 ipsum quoque suis successoribus sibimet vicatim succedentibus observandum, communi voto suorum procerum
l.11 perpetualiter constituit. Quod si quis hȩc transgressus fuerit, nisi digna satisfactione resipuerit, a regno
l.12 Christi et Dei extraneus habeatur et gehennȩ perpetuȩ particeps efficiatur. At contra prenominatus
l.13 domnus abbas Gauzbertus, pro tantae bonȩ voluntatis recompensatione, mente benigna, cum monachorum collegio dispo-
l.14-suit, uti anniversarii dies ejus genitorisque ac genitricis ipsius memorati presulis, in coenobio prȩlibati athletȩ
l.15 JULIANI, singulorum celebrentur pleniter annorum curriculis. Haec vero auctoritatis noticia
l.16 ut firma et stabilis in perpetuum maneat, his presentibus et videntibus corroborata est. [colonne1] [chrisme] Rainaldi, Parisiorum episcopi. Signum Fulconis, Andegavorum comitis. Signum Dimonis vicecomitis. Signum Ansaldi, militis. Signum Hugonis, militis. Signum Drogonis. Signum Amelini, militis. Signum Malrici. Signum Solionis. Signum Othonis. Signum Aimonis. [colonne2] Signum domni Tethbaldi, abbatis. Signum Mauricii, fratris ejus. Signum Hucberti, vicecomitis. Signum Fulcherii. Signum item Hugonis, prepositi. Signum Lisoi. Signum Guidonis, archidiaconi. Signum Rorigonis. Signum Girardi. Signum Baderamni. Signum item Amelini.
l.17 DATA mense julio, ad placitum quod fuit inter episcopum Rainaldum et comitem
l.18 Fulconem in silva quȩ vocatur Ad Illum Carcerem, non longe a fluvio Lith.

1