Hugues de Saint-Christophe donne aux moines de Marmoutier l'église de Sonziac.

l.1 PATEAT universorum notioni bonorum, quibus eo ab aliis benefacta pla-
l.2-cent, quo et ipsi si vere utique boni sunt benefacere student, honoratum
l.3 quendam nomine HUGONEM de SANCTO CHRISTOFORO, castro quodam propter ecclesiam
l.4 sancti illius ibi constitutam sic vocato, donasse sancto MARTINO atque in suo Majori
l.5 Monasterio Deo ac sibi famulantibus monachis, integritate tota ecclesiam de
l.6 Soonziaco, videlicet quicquid ad altare quicquid ad casam pertinet ipsius
l.7 ecclesiȩ, sepultura tantum excepta, quam monachis SANCTI FLORENTII ante dona-
l.8-verat. Fecit autem supradictam donationem, pro anima scilicet Gaufredi
l.9 decani quondam sancti MARTINI cujus honor fuerat quem tunc ipse HUGO habe-
l.10-bat, et pro sua suȩque conjugis ac filiorum, faventibus pariterque donantibus ipsa
l.11 conjuge nomine Richilde, et Hugone atque Gaufredo filiis ac filia Adelade,
l.12 misitque illam primo per quendam cultellum in capitulum nostrum, prefati scili-
l.13-cet Majoris Monasterii monachorum, deferente quodam fratre nostro nomine DAC-
l.14-FREDO. Cui videlicet primȩ donationi testes affuerunt isti Gaufredus de Soonziaco,
l.15 Richerius, Gaufredus filius Guarnerii, Elirannus de Martiaco, Drogo de Curte Tiranni, Hugo de Attana, Hildega-
l.16-rius de Monte Basonis, Ebrardus vicarius, Odo Papa Villanum, Glahianus vicarius,
l.17 Fulco Rufus, Achardus de Diciaco, Guido Busellus, Rainaldus Esperonus, Rainaldus clericus,
l.18 Dionisius, Christianus Camerlencus, Teudelinus cellararius, Maurellus, Guillelmus de Piris,
l.19 Ebrardus homo Arraldi Burdoculi. Girardus famulus de Tavenno.
l.20 Post hoc aliquanto tempore exacto, venit ad castrum superius nominatum
l.21 hoc est ad sanctum CHRISTOFORUM, noster id tempus domnus abba BARTHOLOMEUS,
l.22 ibique facta est ipsi et per ipsum omnibus nobis eadem donatio ab eodem
l.23 HUGONE et ab uxore ac liberis ejus, testibus rursus istis, ibidem tunc presen-
l.24-tibus: Huberto Busello, Johanne de Jalusnia, Fulcodio Rotundello, Hugone filio Tedasii de Rupibus,
l.25 Glahiano vicario, Santhone, Guillelmo cellarario, Gaufredo Blanchardo, Herveo Joculatore,
l.26 Gauterio Belino, Durando Camberlenco, Gisleberto Disreeto, Nicholao clerico.
l.27 DE FAMULIS NOSTRIS: Frotgerio et Durando mariscalci, Petro coquo, Hildemaro de Rupeculis.
l.28 DE MONACHIS: Ascelino, Gaufredo, Bernardo, Gausberto, Drogone.

1