Charles le Gros, empereur, donne à son fidèle Dodon deux manses situés à Montigny-sur-Aube.

l.1 [chrisme] [Amen, amen, amen] IN NOMINE SANCTAE ET INDIVIDUAE TRINITATIS, KAROLUS, DIVINA FAVENTE CLEMENTIA IMPERATOR AUGUSTUS. SI FIDELIUM NOSTRORUM PETITIONIBUS AUREM MANSUETUDINIS NOSTRAE ACCOMODAMUS, EORUM ANIMOS NOSTRIS UTILITATIBUS REDDIMUS
l.2 promtiores. Nos ergo morem sequentes praedecessorum nostrorum regum atque imperatorum, libuit celsitudini nostrae quendam fidelem nostrum Dodonem nomine, intervenientibus atque deprecantibus fidelibus nostris Anscherico videlicet vocato episcopo et Rodulfo
l.3 comite atque Pipino, de quibusdam rebus proprietatis nostrae et mancipiis munerare atque sublimare. Quae siquidem res sunt sitae in comitatu Latiscensi villa Montiniaco super fluvium Albae mansa indominicata II, et est unus mansus
l.4 ex fisco qui Geurellas dicitur et alter ex fisco qui Vitriacus nuncupatur, et aspiciunt ad ipsa duo mansa mancipia videlicet XXX. Has siquidem supranominatas res et mancipia cum omni sua integritate perpetualiter in jus pro-
l.5-prium ad habendum supranominato Dodoni fideli nostro concedimus ac de jure nostro in jus et dominationem illius sollempni more transferimus, eo videlicet modo ut quicquid ab hodierno die et deinceps ex supradictis rebus et mancipiis
l.6 facere voluerit, libero in faciendum potiatur arbitrio, quemadmodum ex reliquis proprietatis suae rebus et mancipiis agendum deliberavit. Ut autem hujus nostrae donationis atque permissionis auctoritas pleniorem obtineat
l.7 in Dei nomine firmitatis vigorem, manu propria subter firmantes anuli nostri inpressione subter jussimus sigillari.
l.8 SIGNUM [monogramme] KAROLI GLORIOSISSIMI ET SERENISSIMI SEMPER AUGUSTI [sceau].
l.9 AMALBERTUS CANCELLARIUS AD VICEM LIUTVUARTI ARCHICANCELLARII RECOGNOVI ET [ruche].
l.10 Data XIII kalendas [junii], anno incarnationis domini nostri Jhesu Christi DCCCLXXXV, indictione IIII, anno imperii Karoli imperatoris in Italia regnantis V, in orientali Frantia IIII, in Gallia I. Actum Granias villa. In Dei nomine.

SICKEL (Theodor von), Diplome des 8, 9 und 10 Jahrhundert, in Forschungen zur deutschen Geschichte, t. 9 (1869), p. 403-434, p. 415, n° 10.

ROSEROT (Alphonse), Diplômes carolingiens originaux des archives de la Haute-Marne, in Bulletin de la Société des Sciences historiques et naturelles de l'Yonne, 47 (1893), p. 503-539, p. 518-519, n° 9.

KEHR (P.), Die Urkunden Karls III., Berlin, 1937 (MGH Diplomata regum Germaniae e stirpe Karolinorum, 2), p. 183-185, n° 116.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 7, pl. 1 (fac-similé).