L'abbé de Saint-Laurent et de Saint-Hilaire-de-Longrets concède à titre viager à Guillaume et Herbert, ses neveux, des vignes aux Arcs de Parigni. Il reçoit un marc et demi d'argent.

l.1 Ad noticiam posterorum litteris explanare videtur congruum, qualiter abbas DD.,
l.2 ceterique fratres abbatiȩ sanctorum Laurentii, atque Hylarii, interventu dompni archipresulis Bituri-
l.3-censis Leodegarii, ejusque supplici rogatu concesserunt nepotibus suis, Willelmo scilicet atque
l.4 Erberto, in vita eorum vineas fratris Constantini de Sancto Gregorio, que consistunt Pictavis ad
l.5 Arcus Parrinniaci, marcum etiam argenti et dimidium hujus rei gratia habuerunt. Tali videlicet conven-
l.6-tione, ut post decessum utriusque easdem ȩcclesia recuperet, neque aliquis ex parentela eorum jus, in eis aliquod
l.7 aliquatenus reclamet, et ut ipsi tam avunculus quam et nepotes fratribus abbatiȩ utcumque positis existant
l.8 gratiores, eisque ad rependendum beneficium affectu munifico promptiores. Hujus rei testes
l.9 designantur apud Pictavim: Normandus decanus, Petrus Guarnerii, Aimericus Britto,
l.10 et in abbatia Ivo tunc temporis prepositus, Walterius Eduensis, Arnulfus Nivernensis, et plures alii. SANCTI SPIRITUS ADSIT NOBIS GRATIA.