Itier et Étienne, fils d'Étienne de Migné, ayant donné en dot à leur sœur Pontia, pour son entrée à l'abbaye Sainte-Croix de Poitiers, la terre que leur père avait cédée à l'abbaye de Montierneuf, à Migné et à Paché, Pontia vend cette terre à l'abbé Marc contre 200 sous angevins et 200 sous poitevins.

l.1 Precedentium patrum auctoritate instruimur quȩque bene gesta apicibus inserere, ne posteritas quȩ ex eorum noticia proficere deberet ex ignorantia
l.2 detrimentum sumat, si fuerint oblivioni tradita scriptorum incuria. Quapropter ego Stephanus de Magniaco futurȩ providens generationis
l.3 litteris annotari precepi donum sive convenientiam quam feci, cum domno Marco, abbate Monasterii Novi, et ipsius monachis. Dono siquidem
l.4 prefatis monachis Monasterii novi quod constructum est in honore beatȩ Mariȩ semper virginis, et sanctorum apostolorum Johannis et Andreȩ, pro redemptione
l.5 peccatorum meorum, pro anima patris et matris uxorisque meȩ, et omnium parentum meorum omnem terram quam habebam in Magniaco villa,
l.6 quȩ super flumen Ausantiam vel in tota parrochia Magniaci, sive ad villam Pachiacum, cultam et incultam, cum pratis et vineis, censi-
l.7-bus et consuetudinibus omnibus, cum feuvo servientium. Illud autem quod sibi retinuerat, medietatem scilicet omnium redituum et si aliquid
l.8 in predictis locis meliorassent, sive aliquid quod ad fevum suum pertinere videretur, quoquomodo adquisissent, inter illum et monachos esset
l.9 et servientem quem in illa parte sibi proprium retinuerat. Filii illius, Iterius scilicet et Stephanus post obitum patris consilio procerum,
l.10 vicinorum et suorum, Petri videlicet de Mercato et Jordani de Montibus et Petri de Stagno et aliorum, dederunt cuidam
l.11 sorori sue, nomine Pontiȩ in loco dotis ut cum hac terra et possessionibus monacha fieret in monasterio sanctȩ Crucis super muros
l.12 Pictavis constituti. Quod et factum est. Hanc vero terram cum supranominatis possessionibus, consilio amitarum suarum Milesendis
l.13 et Agnetis sanctimonialium, predicta Pontia concessit et vendidit domno Marco Novi Monasterii abbati et fratribus ipsius
l.14 cenobii ad opus elemosinȩ, accepta peccunia, ducentis scilicet andegavensis monete, et ducentis pictavensis.
l.15 Hȩc omnia facta sunt confirmatione et concessione Iterii et Stephani fratrum suorum et concessione Willelmi comitis Pictavensis,
l.16 a quo ipsam terram in feodo habebant et aliorum supradictorum illustrium virorum. Anno incarnationis dominice millesimo
l.17 centesimo vicesimo, indictione XIII.
l.18 [croix] Signum Iterii Magniaci. [croix] Signum Stephani fratris ejus.
l.19 Isti sunt testes: Jordanus de Munt, Bernardus Helias, Petrus de Stagno, Helias Chebrol,
l.20 Raimundus Lobet, Geraldus Morinus, Per, Audan, Estevenoch, Alo in cujus manibus hȩc
l.21 carta facta est, Galterius famulus ejus, Aenricus prior Magniaci,
l.22 Petrus monachus dos Arbergs.