Mainard Lemovix se fait religieux et donne à l'abbaye de Saint-Maixent la demie-borderie de terre de Lozillière.

l.1 In nomine Domini nostri Jhesu Christi. Ego Mainardus cognomento Lemovix, intuens animad-
l.2-versionem districti judicii et perpendens hoc quia qui steriles erunt a bonis operibus
l.3 in judicio et tales inventi fuerint; quanta pena plectendi sint, et ad ultimum in quantis
l.4 tormentis perpetualiter dampnandi sunt, et penis infernalibus jugiter tradendi. Quapropter
l.5 veniens ad habitum monachicum in cenobio beati Adjutoris Maxencii, temporibus domni Goffredi ab-
l.6-batis, dono et devotissime concedo dimidiam borderii cum silvula que vocatur Terra Ozea et molen-
l.7-dinum cum motagio et piscariam de aqua et pratum quiptum, Deo et beato Adjutori Maxencio et ser-
l.8-vitoribus suis, jure perpetuo. Aliam quoque dimidiam reliqui nepoti meo Airaudo, tali convencione
l.9 ut ipse utrasque serviat dominis carnalibus, et reddat servicium et heres suus omnibus diebus. Quod si nolu-
l.10-erit, seniores habeant et serviant dominis terre. Hoc fuit factum Segundiniaco castellulo, in domo Girau-
l.11-di Charmenol, et ibidem promisit fidem suam Airaudus, nepos meus, de hoc tenendo, me vidente et fratre
l.12 suo Bernardo, Goffredo Fulchardo qui fidem suam accepit, Giraudo Audeberto, et multis aliis qui nobiscum erant
l.13 in domo. Duos quoque denarios de prato de Macicais, et XII alios quos querebam in terra que est ad Quercum super
l.14 Verrucam, decimam de vineis que sunt juxta villam.
l.15 ACTA SUNT ANNO AB INCARNACIONE DOMINI MCXI, indictione IIII, regnante Pascali papa, Ludovico
l.16 in Francia, Guillelmo comite impugnante. Ugone et Simone nepote suo.
l.17 S. Mainardi monachi. S. Arnaldi monachi. S. Rainaldi Pipini monachi. S. Giraudi Carmenol. S. Goffredi Fulcardi. S. Giraudi Audeberti. S. Airaudi nepotis Mainardi.
l.18 S. Bernardi fratris sui. Arnaldus monachus hunc recepit ad monachum.