Droho Ladent, Raina, son épouse, et son beau-fils Rohon abandonnent le fief presbytéral de l'église d'Aziacum et trois muids de grains aux moines de Saint-Maixent qui leur donnent un muids de seigle annuel et un massum de terre leur vie durant.

l.1 ANNO ab incarnatione Domini MLXXI, Droho cognomento Ladent, unacum uxore sua nomine Raina, et filiastro nomine Roho, accepe-
l.2-runt societatem cum domno abbate Benedicto et monachis Sancti Maxentii, et reliquerunt presbiterale fȩdum de ȩcclesia Aziaco quam habuerant
l.3 parentes eorum et ipsi, et tres modios annonȩ quos simul habuerant de abbatibus Sancti Maxencii. Et prefatus abbas Benedictus et monachi sui dedit eis
l.4 per singulos annos unum modium segulȩ ad justam minam, et unum massum terrȩ totum quietum quandiu vixerint. Ubi autem ex illis tribus obierit, sepelient
l.5 eum monachi et possidebunt terciam partem de annonȩ modio et de masso terrȩ. Ubi secundus obierit sepelient eum monachi, et abebunt aliam terciam partem
l.6 de annona, et de masso terrȩ. Jam vero defuncto tercio, sepelient eum, et ex tunc et annonam, et massum terrȩ monachi possidebunt. Huic convencioni interfuerunt
l.7 in capitulo sancti Maxencii, laici: Bos Borrellus, Stephanus Jamoni filius, Hugo Araneo Petrus, Ingelbertus prepositus, et multi alii; monachi: Guido prepositus, Giraldus, Ingelbertus, Ademarus,
l.8 Galterius infans, Garinus, et reliqui quotquot sedebant in capitulo. Si quis autem hoc fedus violaverit, disperdat et destruat illum Deus, et sit pars ejus cum Cain, et Cham, Chore, Abiron et Datan,
l.9 et iniquo Aab et Jheroboam. Fiat. Fiat. Tandem novissime mortuo Roho, placuit domno Rotberto abbati dare Girberto filio ipsius Roho illos quinque
l.10 sextarios annonȩ tali pacto ut post mortem suam remanerent in perpetuum sancto Maxencio, quod ipse Girbertus concessit in capitulo, audientibus:
l.11 Ugone Mimel, Warino fratre ejus, Constantinus Cotins, Jamo Judex, Arveus cocus, Constantinus Bertrans, Bernardus Faber, Johannes Boruchuns.