Louis le Pieux, empereur, à la demande d'Aubry, évêque de Langres, confirme les possessions des chanoines de cette ville.

l.1 [[chrisme] IN NOMINE DOMINI DEI ET] SALVATORIS NOSTRI JHESU CHRISTI, HLUDOVUICUS, DIVINA REPROPITIANTE CLEMENTIA IMPERATOR AUGUSTUS. SI SACERDOTUM AC SERVORUM DEI, JUSTIS ET RATIONABILIBUS PETITIONIBUS, AD EFFECTUM PERDUCIMUS, NON SOLUM REGIAM ET IM-
l.2-peratoriam exercimus consuetudinem], sed etiam eosdem pro excessibus nostris ad Domini misericordiam exorandam devotiores et promptiores facimus. Igitur, omnibus fidelibus sanctae Dei ecclesiae et nostris, presentibus scilicet et futuris, notum sit quia Albericus, venerabilis Lingonicae
l.3 [urbis episcopus, nostram adiens celsitu]dinem, suggessit mansue[tudi]ni nostrae de episcopio memoratae urbis jam olim sibi a nobis ad plebem domini nostri Jhesu Christi regendam commisso, quod valde eum intrinsecus et extrinsecus tam in divinis obsequiis quam in humanis officiis
l.4 [et ministeriis, tam in canonicorum institutionibus sancteque vitae regulis] quam in aedificiis aliisque rebus necessariiis, partim rectorum incuria, partim vero prepositorum ignavia, destitutum et nullo paene recte ordinationis tramite praemunitum invenerit, sed assump-
l.5-[to, ut oportebat, justo magnoque labore, summis viribus prout dominus posse dare dign]atus est, et ingenti studio ad rectitudinis decorisque normam perducere curaverit, et canonicorum vitam ibidem Domino famulantium in canonicis institutionibus humanaeque fragilitati stipendiis necessariis
l.6 [atque diversarum specierum habitaculis et claustris ad primae exornaverit, ac] ut in posterum eorum vita in nullo decideret, nonnullis memoratae sedis villis et rebus subfulserit, tribuendo scilicet illis in circuitu murorum ejusdem civitatis colonias duas, et in eodem pago
l.7 [Lingonico, villam vocatam Marciliacum, cum ecclesia] et appendiciis suis; et in eodem pago villam nuncupatam Hurbaniacum, quantumcumque de jure sancti Mametis in eadem villa esse dinoscitur, necnon et illud quod exterius esse cognoscitur ad eandem villam pertinens, excep-
l.8-[tis his rebus quae sub jure ac potestate sanctorum Am]atoris et Ferreoli esse noscuntur; similiter et in eodem pago, in loco qui dicitur Radalenispons, colonias duodecim cum omnibus ad easdem colonicas pertinentibus, simulque cum capella; et in eodem pago, villam quae dicitur curtis
l.9 [Gregorii, sub omni integritate sua; et in Cildennaco coloniam I; et in eodem pago, in] nonnullis locis, illud quod nobiles personae ad mensam clericorum sollemni donatione contulerant, necnon et illam colonicam quae est in Primiaco villa, cum vineis; et in pago Boloniensae, in villa vocata Helnane, tam interius quam et exterius, colonicas sex; et in pago Attoariorum et Divionensae
l.10 [atque in locis quae dicuntur Sacconicus, Brigendonis atque Salcis], quantumcumque in eisdem locis Flavidus, colonus Sancti Mamae, visus fuit possedisse; et in pago Belnensae, in villa Givriaco, ecclesiam cum coloniis tredecim; et in eodem pago, in villa quae vocatur Godoleni curtis, colonicas
l.11 [septem, cum omnibus ad eas pertinentibus; et in centena Hoscarinsae, in] villa Fis[cinis, ecclesiam] et colonias novem, cum omnibus ad easdem colonicas pertinentibus, et vineam quae vocatur Plantas; et in eadem centena, in loco Spernaco, colonicam unam. Obnixe nostram imperatoriae
l.12 [majestatis deprecans excellentiam, ut suam nullatenus improbandam] dispositionem atque ordinationem nostrae auctoritatis munimine fulciremus, atque ut deinceps firma perennibus esse valeret temporibus, roborare dignaremur. Cujus supplicationibus quia dignas judicavimus, annuere
l.13 [placuit ut quicquid, ut praedictum est, postulavit, ad effectum] perducere, non incongruum duximus. Proinde, hos [nostrae auctori]tatis apices erga prefatam sedem canonicosque inibi Domino per diuturna tempora militantes, divino inspirati amore, fieri jussimus, per quos decernimus
l.14 [atque sanccimus ut loca prescripta, cum omnibus ad se] juste et legaliter pertinentibus, sicut a saepedicto Alberico, venerabili jamdictae sedis episcopo, eis conlata sunt, ita per hanc nostram auctoritatem in eorum jure et potestate, suis videlicet usibus diversisque necessitatibus, ad divinum
l.15 [propensius cultum exsequendum, famulantia, absque cujuslibet diminutione aut] retractione permaneant, et nullus successorum suorum, rectorum videlicet, memoratae ecclesiae ab eorum dominatione ea quoquomodo auferre aut in aliam quamlibet partem quacumque occasione trans-
l.16-[ferre praesumat, sed liceat eis jamdictis rebus ad dominicum Dei nostri famulatum diligentius] peragendum absque cujusquam contrarietate uti, et quaecumque ad suos in domini nostri Jhesu Christi militia usus et necessitates pertinent, ordinare, disponere justeque ef[....]re quatenus sublata omnis indigentiae
l.17 [paenuria, pro nobis, conjuge proleque nostra, et pace ac stabilita]te totius imperii a Deo nobis commissi alacrius eos indesinenter Domini misericordiam exorare delectet. Et ut haec nostrae largitionis atque concessionis auctoritas firmior habeatur, et per
l.18 [futura tempora melius conservetur, de anulo nostro subter eam] jussimus sigillare.
l.19 [chrisme] [Amen] HIRMINMARIS NOTARIUS AD VICEM HUGONIS RECOGNOVI ET [ruche_notes_tironiennes] [sceau].
l.20 [Data XIIII kalendas septembris, anno Christo propi]tio XXI imperii domni Hludovuici piissimi augusti, indictione XII. Actum Lingonis civitate. In Dei nomine, feliciter. Amen.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 4, Instr, col. 130.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 6, p. 595.

MIGNE (abbé Jacques-Paul), Patrologia Latina 104 (Agobardus Lugdunensis, Eginhardus, Claudius Taurinensis), Paris 1851, col. 1249.

ROSEROT (Alphonse), Diplômes carolingiens originaux des archives de la Haute-Marne, in Bulletin de la Société des Sciences historiques et naturelles de l'Yonne, 47 (1893), p. 503-539, p. 508-511, n° 2.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/2, pl. 46 (fac-similé).

BAUTIER (Robert-Henri), Les diplômes royaux carolingiens pour l'église de Langres et l'origine des droits comtaux de l'évêque, in Cahiers Haut-Marnais, 167(1986), p. 145-177, p. 151, note 16 bis.